DİN-in Baş Mütəşəkkil Cinayətkarlığa Qarşı Mübarizə İdarəsi

Mənbə: meydan tv

Başlıq: DİN-in Baş Mütəşəkkil Cinayətkarlığa Qarşı Mübarizə İdarəsi

Vəkil: Milliyətçi Demokrat Partiyasının saxlanılan iki üzvü ilə görüşümə imkan vermirlər

Məqalə yeniləndi:  22 May 2019

''Bu, adam oğurluğu sayılır''

Azərbaycan Milliyətçi Demokrat Partiyasının Siyasi Şura üzvü, Qarabağ müharibəsinin veteranı İlyas Abdullayev və Yavər Mikayılov mayın 18-dən DİN-in Baş Mütəşəkkil Cinayətkarlığa Qarşı Mübarizə İdarəsinin əməkdaşları tərəfindən saxlanılıb.

Vəkil Yavər Hüseyn onların yaxınları ilə müqavilə bağlasa da, saxlanılanlarla 4 gündür görüşə bilmir.

Bu barədə vəkil Meydan TV-yə danışıb.

O deyib ki, mayın 20-də idarədə olub, sənədlərini qəbul ediblər, sonra qaytarıb deyiblər ki, burada belə adamlar yoxdur:

“Ancaq İlyas Abdullayev və Yavər Mikayılovun idarədə saxlanıldığını bildiyimdən Respublika Baş Prokuroruna, Daxili İşlər Nazirinə və idarənin rəisinə rəsmi müraciət etdim və orderlərin surətlərini də əlavə etdim. Bildirdim ki, saxlanılan şəxslərin hüquqları tapdalandığımdan onlarla görüşüm təmin olunsun. Respublika Baş Prokurorluğundan müraciətimlə məşğul olduqları haqda cavab alsam da, hələ saxlanılanlarla görüşə bilməmişəm. DİN-in Baş Mütəşəkkil Cinayətkarlığa Qarşı Mübarizə İdarəsindən deyirlər ki, burda yoxdurlar. Amma dəqiq məlumatım var ki, ordadırlar”.

Yavər Hüseyn deyib ki, mayın 22-də o, DİN-in Baş Mütəşəkkil Cinayətkarlığa Qarşı Mübarizə İdarəsindən Nərimanov Rayon Məhkəməsinə şikayət verib:

“48 saat ərazində ya cinayət işi açılmalıydı, ya da sərbəst buraxılmalıydılar. Amma heç bir məlumat yoxdursa, bu, artıq adam oğurluğu sayıla bilər”.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  22 May 2019
Bölmələr:  
qısa linklər:   http://mtv.re/pnpikv

Ən çox baxılan