Vəkil Hüseyn Məliklə görüşüb

Hüseyn Məlik

Hüseyn Məlik

Gecə evindən aparılan ADR üzvü polisin qanuni tələblərinə tabe olmamaqda təqsirləndirilir

Vəkil Fariz Namazlı dekabrın 7-də 25 sutka inzibati cəza alan Azərbaycan Demokratiya və Rifah Hərəkatının (ADR) İdarə Heyətinin üzvü Hüseyn Məliklə görüşüb.

Vəkil Fariz Namazlı inzibati həbs olunanların saxlanılma yerində saxlanılan Hüseyn Məlikin səhhətinin normal olduğunu bildirib.

Vəkil deyir ki, Hüseyn Məliki dekabrın 4-dən 5-nə keçən gecə iki nəfər mənzilindən aparıb:

“Hüseyn Məlik ona qarşı özbaşınalıq olduğunu söyləyir və həbsini qanunsuz sayır. Çünki o, yuxudan oyadılaraq aparılıb, onun evinə gələnlərdən biri polis, digəri isə mülki geyimdə olublar. Özü belə deyir”.

Fariz Namazlı Hüseyn Məlikin İnzibati Xətalar Məcəlləsinin 535.1 maddəsi (polisin qanuni tələbinə tabe olmamaq) ilə ittihiham olunduğunu bildirib.

Hüseyn Məlik dekabrın 4-dən 5-nə keçən gecə saxlanılıb. Səbail Rayon Məhkəməsi onun 25 sutka azadlıqdan məhrum olunması barədə qərar çıxarıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/g2rflf

Ən çox baxılan