Vəfa Nağı

Mənbə: Meydan TV

Başlıq: Vəfa Nağı

Vəfa Nağının məhkəməsi başladı

Vəkil işlə tanış olmaq üçün vaxt istəyib

Neftçala rayonunun Xol Qaraqaşlı kənd bələdiyyəsinin üzvü, ictimai fəal Vəfa Nağının məhkəməsi başlayıb. İyulun 30-da Neftçala Rayon Məhkəməsində Xol Qaraqaşlı bələdiyyəsinin sədri Əlibala Səlimov və kəndin Mədəniyyət Evinin rəhbəri İlham Hüseynovun V.Nağıya qarşı xüsusi ittiham qaydasında qaldırdığı iddiaya baxılıb. Onlar bələdiyyə üzvünün Cinayət Məcəlləsinin 147 (böhtan) və 148-ci (təhqir) maddələri ilə cəzalandırılmasını tələb edir.

Məhkəmə iclası V.Nağının iştirakı olmadan keçirilib. Onun vəkili Nemət Kərimli iş materialları ilə tanış olmaq üçün məhkəmədən vaxt istəyib. Vəkil həmçinin prosesin V.Nağının özünün iştirakıyla keçirilməsinin vacibliyini vurğulayıb. Müdafiəçi bu iki səbəbi əsas gətirərək, prosesin təxirə salınması haqda vəsatət qaldırıb. Vəsatət təmin edilib və məhkəmə avqustun 12-nə saxlanılıb.

Məhkəmə iclasında xüsusi ittihamçılar Ə.Səlimov və İ.Hüseynov da iştirak edib.

Bələdiyyə sədri iddia ərizəsində yazıb ki, V.Nağı mediaya müsahibələrində, sosial şəbəkə hesablarından paylaşdığı yazılarında onu təhqir edib, böhtan atıb. İ.Hüseynov isə iyunun 24-də rəhbəri olduğu Mədəniyyət Evində bələdiyyənin iclasından sonra V.Nağının başqalarının yanında onu təhqir etdiyini iddia edir.

V.Nağı isə hesab edir ki, məqsəd bu yolla onu susdurmaqdır: “Gördülər ki, digər təzyiq formaları - şəkillərimi yaymaqla biabır eləyib kənddən çıxarmaq cəhdi nəticə vermədi, indi bu üsula əl atıblar. İstəyirlər ki, məni susdursunlar, yol verdikləri qanunsuzluqlar, korrupsiya əməlləri haqda danışmayım. Amma alınmayacaq”.

Bələdiyyə sədri Ə.Səlimov isə V.Nağının şəkillərinin yayılmasına göstəriş verməsi, korrupsiya ittihamları barədə ünvanına səslənən fikirlərin böhtan olduğunu bildirib. Onun sözlərinə görə, bələdiyyə üzvü müxtəlif dövlət orqanlarına ondan şikayıt edib, amma deyilənlər təsdiqini tapmayıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/svq1ty

Ən çox baxılan