“Biz Azərbaycan da daxil olmaqla ATƏT-in regionunun müxtəlif ölkələrində Rusya Federasiyası və Belarusiya da daxil olmaqla insan haqqları müdafiəçilərin həbsini, o cümlədən birləşmək azadlğını, tənqidi səslərin boğulmasını qınayırıq”.
Bu barədə sentyabrın 23-də Varşavada ATƏT-in Demokratik İnstitutlar və İnsan Haqları Bürosunun təşkil etdiyi zirvə toplantısında Azərbaycanda siyasi məhbuslarla bağlı səssiz aksiyasının bəyanatında deyilir.
İnsan Haqları Evi (Fondununun) HRHF –nun yaydığı bəyanatda deyilib ki, 2011-ci ildən bəri Azərbaycan hökuməti daha da fundamental hüquqlar-birləşmək azadlığını pozan, müstəqil vətəndaş cəmiyyətinin liderlərə represiyalara məruz qoyan , QHT-in fəaliyyətini məhdudlaşdıran bir sıra qanunvericilik müddəaları qəbul edib.
“Biz bir daha qanunsuz əsaslarla saxlanılan hüquq müdafiəçiləri Leyla Yunus, Arif Yunus, Rəsul Cəfərov, İntiqam Əliyev, Anar Məmmədli və Bəşir Süleymanlı, eləcə də digərlərinin dərhal azad etməyə çağırırıq. Bu beynəlxalq öhdəlikləri və birləşmək azadlıqlığı hüququnu pozur“, – deyə bəyanatda səslənib.
Aksiya barədə “Turan İA”a məlumat verən Anna Innocenti bildirib ki, bu aksiya tədbirdə iştirak edənlərin böyük marağına səbəb olmuşdu. Hər kəs foto və sosial şəbəkədə (twitterdə) məlumat ötürürdülər.
“Norveç dərhal reaksiya verərək, Azərbaycan hökumətini insan haqqları müdafiəçilərinin və fəallarının repressiv həbslərini iqnor etməməyə və ölkəsində nə baş verdiyi diqqət etməyə çağırıb”, – deyə A.İnnocenti bildirib.
Tədbirdə iştirak edən Azərbaycan hakimiyyətini təmsil edənlər bildirib ki, həbs olunan QHT nümayəndlərin həbsi siyasi motivli deyil və tənqid edənlər heç vaxt Azərbaycanda olmayıblar.
Sentyabrın 23-də Polşanın Varşava şəhərində ATƏT-in Demokratik İnstitutlar və İnsan Haqları Bürosunun təşkil etdiyi zirvə toplantısında Azərbaycanda siyasi məhbuslarla bağlı səssiz aksiya keçirilib. 40 yaxın aksiya iştirakçıları üzərilərində Azərbaycanda həbs olununa siyasi fəalların və hüquq müdafiəçilərin şəkilləri olan t-shirtlər geyiniblər.
***
Aksiya iştirakçıları əyinlərinə azərbaycanlı siyasi məhbusların şəkilləri yapışdırılmış könəklər geyən fəallar konfrans zalına daxil olublar
Sentyabrın 23-də Polşanın paytaxtı Varşava şəhərində ATƏT-in Demokratik İnstitutlar və İnsan Haqları Bürosunun təşkil etdiyi zirvə toplantısında Azərbaycanda siyasi məhbuslarla bağlı səssiz aksiya keçirilib.
Twitterlərdə yayılmış şəkillərdə görünür ki, bir qrup aksiya iştirakçıları əyinlərinə azərbaycanlı siyasi məhbusların şəkilləri yapışdırılmış könəklər geyən fəallar konfrans zalına daxil olublar.
Aksiya iştirakçıları arasında Xədicə İsmayıl da var.
Sentyabrın 22-dən başlayan toplantıda əsasən insan haqları və demokratiya məsələləri müzakirə olunur. Tədbirdə ATƏT üzvü olan ölkələrin nümayəndə heyətləri, səfirlər, QHT rəhbərləri və tanınmış diplomatlar iştirak edirlər.
Müzakirələr oktyabrın 3-ə qədər davam edəcək (Turan İA).
