Uşaqlarla kobud davranmada şübhəli bilinən tərbiyəçi saxlanılıb

Firuzə Tağıyeva

Firuzə Tağıyeva

Ona qarşı əzab vermə maddəsi ilə cinayət işi açılıb

İyunun 11-də Yasamal rayonu ərazisində yerləşən "Kids Studio"-da uşaqlarla kobud davranan müəllimə Firuzə Tağıyeva saxlanılıb.

Məlumatı APA-ya Daxili İşlər Nazirliyinin mətbuat xidmətinin rəis müavini Orxan Mansurzadə deyib.

Bildirib ki, faktla bağlı Yasamal rayon Polis İdarəsinin istintaq şöbəsində Cinayət Məcəlləsinin 133-cü (əzab vermə) maddəsi ilə cinayət işi başlanıb.

Hazırda faktla bağlı başlanmış cinayət işi üzrə təxirəsalınmaz istintaq-əməliyyat tədbirləri davam etdirilir.

Real tv-nin məlumatına görə, “Kids Studio Uşaq Mərkəzi” adlı bağça lisenziyasız fəaliyyət göstərib.

İqtisadiyyat Nazirliyinin mətbuat katibi Abbas Əliyevin sözlərinə görə, 2015-ci il noyabr ayının 2-dən etibarən bağçalara lisenziyanı İqtisadiyyat Nazirliyi ASAN Xidmət vasitəsi ilə verməyə başlayıb.

“Bu müddət ərzində, həmin baxçaya lisenziya verməyib. Nazirlik bağçanın hansı əsaslarla fəaliyyət göstərdiyindən məlumatsızdır”.

Kids Studio Uşaq Mərkəzi”ndə tərbiyəçinin azyaşlılarla kobud davranması və onları döyməsi ilə bağlı görüntülər bir neçə gündür media və sosial şəbəkələrin müzakirəsinə səbəb olub, eyni zamanda Milli Məclisdə də gündəmə gətirilib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/l4qbo7

Ən çox baxılan