Uşağına məktəb tapmaq üçün Astaradan Bakıyacan gələn ata

Astara rayon sakini Kamil Şabanov uşaqları ilə birlikdə Prezident Administrasiyasına qəbula gəlib. Onun 4 övladından ikisi eşitmə əngəllidir. Yaşadığı yerə yaxın məktəb tapmadığı üçün uşaqları 4 il təhsilsiz qalıb. Axırda məcbur olub Bakıya köçüb, kirayə ev tutub və uşaqlarını eşitmə əngəllilər üçün məktəbə qoyub. Amma şəhərdə yaşamağa maddi imkanı əl vermir.

Ailə 381 manat ünvanlı sosial yardım, uşaqların eşitmə əngəlli olmasına görə 82 manat müavinət alır. Kamil Şabanov bu pulun 300 manatını kirayə haqqı verir. İş tapmaqla bağlı cəhdləri də boşa çıxır.

Təhsil Nazirliyinin mətbuat katibi Cəsarət Valehov bildirib ki, uşaqların təhsil probleminin həlli ilə bağlı nazirlik vətəndaşa təkliflərini yollayacaq.

Prezident Administrasiyasından Kamil Şabanova deyilib ki, onların şikayətinə baxan Habil adlı şəxsin qəbul günləri gələn ayın əvvəlində olacaq. Bu gün onları heç kim qəbul edə bilməz.
Qəbuldan çıxan uşaqlar isə ikinci dəfədir gətirildikləri Administrasiyanın ətrafını oyun yeri kimi görürlər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/lyexym

Ən çox baxılan