Onların 3 il ərzində Ukraynaya daxil olmaları yasaqlanıb
Mayın 7-də Kiyevə “Eurovision” mahnı müsabiqəsini işıqlandırmağa gedən iki jurnalist ölkəyə buraxılmayıb.
Məlumatı Rusiya KİV-ləri yazıb. Bildirilir ki, “Komsomolskaya Pravda” qəzetinin müxbirlərinin akkreditasiyası da varmış. Amma sərhəddə saxlanaraq geri qaytarılıblar. Onlara 3 il ərzində Ukraynaya daxil olmağın yasaqlandığını söyləyiblər.
Bunu sərhəd xidmətinin sözçüsü Oleh Slobodyan deyib.
Apreldə Ukrayna Rusiyanın müsabiqəyə göndərdiyi Yulia Samoilovaya da qadağa qoyub. Onun 2015-ci ildə Krımda çıxış etməklə Ukrayna qanunvericiliyini pozduğunu bildirilib.
Rusiya 2014-cü ildə Krım yarımadasını qanunsuz ilhaq edib. Ukraynanın şərqində rusiyapərəst separatçılarla münaqişədə, azı, 9 min 940 nəfər həlak olub, 2 milyon nəfər köçkünə çevrilib.
