Polis Ankaraya doğru irəliləyən vəkillərlə mane olmağa çalışır
Türkiyədə 80 vəkil assosiasiyası başçısının başlatdığı “Müdafiə yürüşü” adlı etiraz marşı bazar ertəsi günü oturma nümayişi ilə davam edib.
Türkiyə mediası xəbər verir ki, polis paytaxt Ankaraya doğru irəliləyən vəkillər qrupuna maneə törədib.
Əlli səkkiz vəkil assosiasiyası başçısı keçən həftə rəsmi məhkəmə paltarlarını geyinərək Ankaraya yürüşə çıxaraq, hökumətin vəkilləri və birlikləri tənzimləyən qanuna etməyi planlaşdırdığı dəyişikliyə etiraz edib.
Hüquqşünaslar deyirlər ki, qanun dəyişikliyi Prezident Rəcəb Tayyib Ərdoğan hökumətinin açıq tənqidçiləri olan vəkillər assosiasiyalarının gücünü azaltmağa xidmət edir.
Polis Ankaranın girişində vəkillərin irəliləməsini dayandırmaq üçün iri maşınlarla barrikadalar qurub.
Paytaxtın girişində vəkil assosiasiyası prezidentlərini qarşılamağa gedən vəkillərlə çevik polis bölmələri arasında qarşıdurma baş verib. Polis barrikadanı keçib qrupa qoşulmağa çalışan bir assosiasiyası rəhbərinin müavinini saxlayıb.
BBC Türkcənin xəbərinə görə, müxalifətin fikri alındıqdan sonra hakim Ədalət və İnkişaf Partiyası (AKP) tərəfindən hazırlanan 27 maddəlik qanun layihəsi ən geci cümə günü və ya gələn həftənin əvvəlində parlament sədrliyinə təqdim ediləcəkdir.
AKP rəsmilərinə görə, qanun layihəsinin parlament tətilə çıxmazdan əvvəl, yəni ən geci iyulun ortalarında qəbul edilməsi planlaşdırılır, – Diken xəbər verir.
Vəkillik seçkiləri oktyabr ayında keçiriləcək və 2021-ci ilin may ayında keçirilməsi gözlənilən Türkiyə Vəkillər Kollegiyasına (TBB) seçkilər də bu tənzimləmədən təsirlənəcək.
Vəkillik seçkilərinə dəyişiklik Ankara Vəkillər Kollegiyasının Diyanət işləri rəhbəri Ali Erbaşın LGBTİ+ üzvlərini hədəf alan nitqini sərt dillə tənqid etməsindən sonra iqtidar tərəfindən gündəmə gətirilib. Milliyətçi Hərəkat Partiyası (MHP) da bu qərarı dəstəkləyib.
