Mənbə: Meydan TV

Türkiyə Rusiyadan raket əleyhinə müdafiə sistemi ala bilər

Ölkə bunun qarşılığında gözlənən ABŞ sanksiyalarına hazırlaşır

Türkiyənin müdafiə naziri Rusiyanın S-400 raket əleyhinə müdafiə sistemlərinin satın alınması ilə əlaqədar açıqlama verib. O, Ankaranın ABŞ-ın gözlənən sanksiyalarına hazırlaşdığını bəyan edib.

Məlumatı Azadlıq Radiosu yayıb.

Xəbərdə deyilir ki, Amerika Ankaraya Rusiya sistemlərini satın almaqdan imtina etməsini söyləyib. NATO müttəfiqləri isə ABŞ istehsalı olan F-35 döyüş təyyarələri üçün potensial təhlükədən narahatlıqlarını ifadə ediblər.

Vaşinqton Ankaraya xəbərdarlıq edib. Deyib ki, Türkiyə razılaşmadan geri addım atmazsa, ona maliyyə cərimələri tətbiq ediləcək.

Müdafiə naziri Hulusi Akar mayın 21-də jurnalistlərə açıqlamasında deyib ki, Vaşinqtonla son danışıqlar zamanı Ankara bu mövzu ilə bağlı "ümumi rahatlama və yaxınlaşma" görür. Əlavə edib ki, Türkiyə ABŞ sanksiyalarına qarşı "hazırlıqlar" görür və "bütün nüansları nəzərə alır".

Akar həmçinin qeyd edib ki, türk hərbi qulluqçuları S-400 raket əleyhinə müdafiə sistemini idarə etmək üçün təlim keçirlər.

Vaşinqton Ankaraya ABŞ-ın alternativ silahı olan Patriot raket əleyhinə müdafiə sistemini satma təklifini geri götürəcəyini deyib. Bildirib ki, Türkiyə bu addımıyla F-35 döyüş təyyarəsi proqramından çıxma riskini gözə alır.

Türkiyə NATO ölkəsi olaraq jet istehsalında iştirak edən konsorsiumun üzvüdür.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/hr2pxn

Ən çox baxılan