Mənbə: Google

Tramp Talibana zərbə endirəcəyinə söz verib

Məqalə yeniləndi:  13 Sentyabr 2019

Prezident militanlara çağırış edərək onlara bir daha ABŞ-a hücum etməmələri barədə xəbərdarlıq edib

ABŞ prezidenti Donald Tramp 2001-ci il 11 sentyabr terror aktının 18-ci ildönümündə çıxış edərək Talibana hər zamankından daha ağır zərbə endiriləcəyinə söz verib, - RFE/RL xəbər verir.

Tramp Pentaqonda çıxış edərək 11 sentyabr hücumu zamanı həlak olan 3000-ə yaxın insanın xatirəsini yad edib. Çıxışdan bir neçə gün öncə Tramp Talibanla sülh danışıqlarının “öldüyünü” elan etmişdi.

“Son dörd gündə ABŞ qüvvələri düşmənimizi əvvəllər vurduğundan daha ağır zərbələrlə vurub və bu davam edəcək,” - Tramp deyib.

Prezident militanlara çağırış edərək onlara bir daha ABŞ-a hücum etməmələri barədə xəbərdarlıq edib.

“Əks halda onlar bundan sonra başlarına gələcəklərdən xəbərdar deyillər,”- Tramp deyib. O həmçinin bildirib ki, nüvə silahından istifadəni nəzərdə tutmur.

Trampın çıxışı ilə eyni zamanda 2001-ci ildə ABŞ torpaqlarına terror hücumlarını həyata keçirən Əl-Qaidə terror şəbəkəsinin lideri Ayman əl-Zəvahiri (Ayman al-Zawahiri) çıxış edərək, “İsrail, Amerika, İngiltərə, Fransa, Rusiya və digər Avropa müttəfiqlərinin maraqlarına hücum,” çağırışı edib.

2011-ci ildə qruplaşmanın lideri Osama bin Laden ABŞ-ın Pakistandakı xüsusi təyinatlıları tərəfindən öldürüldükdən sonra Zəvahiri əl-Qaidənin başçısı olaraq seçilib.

Sentyabrın 11-də etdiyi açıqlamada Tramp keçən həftə bir ABŞ əsgəri və 11 nəfərin ölümünə səbəb olan Kabuldakı hücumdan sonra Talibanla sülh danışıqlarını dayandırdığını bir daha təkrarlayıb.

18 illik müharibəni dayandırmaq üçün Qətərdə Talibanla keçirilmiş doqquz görüşmədən sonra ABŞ-ın sülh elçisi Zalmay Xəlilzad militanlarla “prinsipcə” razılığa gəldiyini demişdi.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  13 Sentyabr 2019
Bölmələr:  
qısa linklər:   http://mtv.re/mxi4nv

Ən çox baxılan