Tramp

Mənbə: meydan tv

Başlıq: Tramp

Tramp İranla danışıqlara hazır olduğunu deyib

ABŞ prezidentinin sözlərinə görə, ölkəsi hərbi əməliyyatlara da hazır olmalıdır

ABŞ prezidenti Donald Tramp İranla danışıqlara hazır olduğunu deyib. Əlavə edib ki, ölkəsi də Tehrana qarşı hər zaman hərbi əməliyyatlara hazır olmalıdır, - Azadlıq Radiosu xəbər verir.

"Mən ilk prezident olduğum zaman İran son dərəcə düşmən ölkə idi,"- Britaniyaya səfərdə olan Tramp iyunun 5-də İTV telekanalına bildirib: "Onlar həmin vaxt dünyada bir nömrəli terrorist millət idi və bəlkə də bu gün də bu, belə ola bilər".

İranla hərbi əməliyyatın lazım ola biləcəyini soruşan jurnalistə Tramp deyib ki, hər zaman şans var: "İstəyirəmmi? Xeyr, istəmərəm olsun, amma hər zaman bir şans var".

O, həmçinin deyib ki, İran prezidenti Rohani ilə danışmağa hazırdır: "Əlbəttə, çox danışmaq istərdim".

Trampın bəyanatı ərəfəsində İran və ABŞ, onun Farz körfəzindəki müttəfiqləri arasında gərginlik artıb.

Bir il əvvəl Vaşinqton dünya ölkələri ilə İran arasında imzalanan 2015-ci il nüvə razılaşmasından geri çəkilib. Müqaviləylə İran iqtisadi sanksiyalardan azad edilmə qarşılığında ölkənin nüvə proqramını məhdudlaşdırma öhdəliyini götürmüşdü.

Tramp razılaşmanın şərtlərinin İranın nüvə silahı əldə etməsinin qarşısını almaq üçün kifayət qədər dayanıqlı olmadığını və ölkənin raket proqramını əhatə etmədiyini iddia edir.

O vaxtdan etibarən Vaşinqton Tehrana qarşı sanksiyaları yenidən bərpa edib, retorikasını dəyişib və Yaxın Şərqdə hərbi mövcudluğunu qoruyur. Bunları edərkən Tramp İran "təhlükəsinin" canlı olduğunu qeyd edir.

İranın Ali Rəhbəri Ayətullah Əli Xameney iyunun 5-də deyib ki, Tramp danışıqlar təklifi ilə Tehranı "aldada" bilməyəcək və Tehran raket proqramından imtina etməyəcək.

"Bu siyasi oyun İran rəsmilərini və İran xalqını aldatmayacaq," Xameney İran televiziyasında çıxışı zamanı söyləyib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/d36htg

Ən çox baxılan