Elşad Məmmədov

Mənbə: meydan tv

Başlıq: Elşad Məmmədov

''Torpağım parçalanaraq 5 nəfərə satılıb''

Gəncə sakini deyir, artıq torpağında evlər də tikilib, məhkəmələrsə bitmək bilmir

“6 ildir ki, mülkiyyətimdə olan torpağım ayrı-ayrı adamlara satılıb, məhkəmələr gedə-gedə torpaqlarda evlər tikilib, o evlərdə çoxdandır ki, yaşayış da var, məhkəmələr hələ də davam edir, Çıxarış əlimdə, torpağıma kənardan baxıram, mülkiyyət hüquqlarımı bərpa edə bilmirəm”.

Gəncə şəhər sakini Elşad Məmmədov Meydan TV-yə danışır ki, 2007-ci ildə Göygölün Quşqara kəndi (hazırkı Gəncə şəhəri, Yeni Gəncə qəsəbəsi, əriklik bağı) ərazisində xalasının adına 21 sot torpaq sahəsi alıb. Sonradan torpağı öz adına sənədləşdirib. Əlində torpağa dair hər biri sənədi, o cümlədən, mülkiyyət hüququnu təsdiqləyən Çıxarışı da var. 2013-cü ildə işləriylə əlaqədar Türkiyədə olarkən və düşdüyü avtoqəzadan sonra müalicə alarkən xəbər tutub ki, torpaq sahəsi hissə-hissə, ayrı-ayrı adamlara satılıb. Onun ailə üzvləri torpaq üzərində tikinti işlərini dayandırmağa cəhd etsə də, alınmayıb. Müalicələrdən sonra Gəncəyə qayıdan Elşad Məmmədov tikinti aparan ayrı-ayrı adamlara torpağa dair sənədlərini göstərsə də, ona bildiriblər ki, torpaqları Nizami rayon icra hakimiyyətinin başçısı Məharət Mustafayevdən alıblar.

“Məhkəmələr saxta sərəncamları ləğv edib, amma...”

“Hərəsinin əlində bir saxta sərəncam vardı. Torpağa sərəncam alarkən əvvəlcə o torpağa dair kadastr sənədi təqdim olunmalıdır. Bu adamlarda isə o sənəd ola bilməzdi, çünki aldıqları torpaqlar hər yerdə mənim adıma idi. Məhkəmələr də bunları nəzərə alıb, onların sərəncamlarını ləğv eləyib. Torpağı alanlardan biri Şəmkir MTN-də işləyən Elşən İsgəndərovdur, sonradan arvadı Qətibə İsgəndərovanın adına sənədləşdirib. Bir hissəsini isə Gəncə Kənd Təsərrüfatı Akademiyasının (hazırkı Gəncə Aqrar Universitetinin) dekanı Məhərrəm İsmayılov oğlu Nicat İsmayılovun adına alıb. Qalan hissəsi də üç digər şəxsə satılıb,” – Elşad Məmmədov deyir.

Qarşı tərəfin iddiaları təmin olunmayıb

Elşad Məmmədov Gəncə şəhəri, Nizami Rayon Məhkəməsində Məhərrəm İsmayılova, Rəsmiyyə Babayevaya, Elşən İsgəndərova, Səadət Qocayevaya və Əli Məmmədova qarşı torpaq sahəsinin boşaldılması, qanunsuz tikililərin sökülməsi, mülkiyyət hüququnun qorunması iddiası qaldırıb. İddia tam təmin olunub. Digər bir iddia əsasında həmin şəxslərə verilmiş sərəncamlar da ləğv edilib. Qarşı tərəflərin yuxarı məhkəmələrə verdikləri apelyasiya və kassasiya şikayətləri təmin olunmayıb. Onların Gəncə İnzibati İqtisad Məhkəməsində Əmlak Komitəsinə qarşı Çıxarışın ləğvi iddiası da təmin olunmayıb və yuxarı məhkəmələr qərarı qüvvəsində saxlayıb. Beləliklə, son 6 il gah Elşad Məmmədovun beş nəfəri, gah da həmin beş nəfərin birləşərək Elşad Məmmədovu – mülkiyyətçini məhkəməyə verməklə keçib. Bütün məhkəmələr, ekspertiza rəyləri Elşad Məmmədovun xeyrinə olub.

E.Məmmədovun ərazisi

E.Məmmədovun ərazisi

Mənbə: meydan.tv

Qarşı tərəfin iddiaları təmin olunmayıb

Elşad Məmmədov Gəncə şəhəri, Nizami Rayon Məhkəməsində Məhərrəm İsmayılova, Rəsmiyyə Babayevaya, Elşən İsgəndərova, Səadət Qocayevaya və Əli Məmmədova qarşı torpaq sahəsinin boşaldılması, qanunsuz tikililərin sökülməsi, mülkiyyət hüququnun qorunması iddiası qaldırıb. İddia tam təmin olunub. Digər bir iddia əsasında həmin şəxslərə verilmiş sərəncamlar da ləğv edilib. Qarşı tərəflərin yuxarı məhkəmələrə verdikləri apelyasiya və kassasiya şikayətləri təmin olunmayıb. Onların Gəncə İnzibati İqtisad Məhkəməsində Əmlak Komitəsinə qarşı Çıxarışın ləğvi iddiası da təmin olunmayıb və yuxarı məhkəmələr qərarı qüvvəsində saxlayıb. Beləliklə, son 6 il gah Elşad Məmmədovun beş nəfəri, gah da həmin beş nəfərin birləşərək Elşad Məmmədovu – mülkiyyətçini məhkəməyə verməklə keçib. Bütün məhkəmələr, ekspertiza rəyləri Elşad Məmmədovun xeyrinə olub.

“Ekspertlər də bezib”

“Son vaxtlar qarşı tərəfin Ali Məhkəməyə yol tapması nəticəsində rüşvətxor hakimlər indiyədək verilən bütün qərarları alt-üst edib. Əvvəllər kassasiya şikayətləri mənim xeyrimə idisə, indi Ali Məhkəmə qarşı tərəfdən gələn kassasiya şikayətlərini təmin edir, təkrar ekspertiza keçirilməsi üçün işləri apelyasiya instansiyasına qaytarır. Halbuki, eyni məsələlər üzrə bundan əvvəl Ali Məhkəmə çoxdan öz qərarlarını vermişdi. Necə olur ki, indi eyni məsələlərə əks qərarlar verir? Təsəvvür edin ki, ekspertlər eyni ərazini ekspertiza etməkdən beziblər. Hər dəfə məhkəmələr təkrar ekspertiza təyin edəndə, ekspertlər gələndə deyirlər, “yenə bu torpaq...” Ekspertlərin verdikləri bütün rəylərdə göstərilib ki, “... üzərində tikintilər aparılan torpaq sahələri Elşad Məmmədovun mülkiyyətində olan torpaq sahəsi ilə üst-üstə düşür”. Məhkəmələr də bu rəylərə, əlimdəki sənədlərə baxıb mənim xeyrimə qərarlar çıxarıblar. Ali Məhkəmə də əvvəllər bu qərarları qüvvədə saxlayıb,” – şikayətçi deyir.

Elşad Məmmədovun sözlərinə görə, məhkəmələr vaxtı tikintilər dayandırılmalı olduğu halda, davam edib və geniş evlər tikilib, hazırda yaşayış da var.

Meydan TV əməkdaşı Nizami Rayon İcra Hakimiyyətinin keçmiş başçısından Sərəncam əsasında torpaq sahəsi alan və üzərində özlərinə evlər tikərək yaşayan şəxslərlə əlaqə yarada bilməsə də, onların məhkəmə iddiaları ilə tanış olub. İddiala görə, Nicat İsmayılov, Səadət Qocayeva, Rəsmiyyə Babayeva, Əli Quliyev və Qətibə İsgəndərova hesab edir ki, mübahisəli torpaq sahəsinin Elşad Məmmədova aidiyyəti yoxdur. Elşad Məmmədovun torpağı başqa yerdədir. Torpaq sahəsinin plan və ölçüsü sənədi düzgün hazırlanmayıb. Onlar Əmlak Komitəsinin Dövlət Reyestr Xidmətinə qarşı məhkəmədə iddia qaldıraraq Elşad Məmmədovun adına aparılmış reyestr qeydiyyatının ləğv olunmasını da tələb ediblər. Ancaq iddiaları təmin olunmayıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/kilol3

Ən çox baxılan