Faktlar Əmək və Əhalinin Sosial Müdafiəsi Nazirliyinə və Baş Prokurorluğa göndərilib
175 işçinin əmək müqaviləsi olmadan çoxmərtəbəli binaların tikintisində işlədiyi məlum olub.
Məlumatı “Turan” “ASAN-xidmət”in Əmək Münasibətlərinin Monitorinqi Mərkəzinə istinadən
yayıb
.
Bildirilir ki, mərkəz 15 səyyar monitorinq həyata keçirib və monitorinq bina tikintisilə məşğul olan 15-i sifarişçi, 9-u podratçı, 17-i subpodratçı olmaqla, 43 hüquqi və fiziki şəxsi əhatə edib. Məqsəd qeyri-rəsmi əmək münasibətlərinini tənzimləmək olub. Yoxlamaların keçirildiyi müddətdə yoxlanılmış 557 işçidən 382-nin müqavilə ilə işlədiyi aşkar olunub.
Mərkəz faktları Əmək və Əhalinin Sosial Müdafiəsi Nazirliyinə və Baş Prokurorluğa göndərib.
Əmək Məcəlləsinə görə, işçilərin əmək müqaviləsi olmadan işə cəlb edilməsi 7 min manatdan 10 min manatadək cərimə və ya üç ilədək müddətə azadlıqdan məhrumetmə ilə cəzalandırılır.
Prezident İlham Əliyev bu il aprelin 28-də tikinti sahəsində qeyri-rəsmi əmək münasibətlərinin qarşısının alınması ilə bağlı nəzarətin gücləndirilməsi haqqında fərman imzalayıb.
