Terrorçu təşkilatla əlaqədə şübhəli bilinən Azərbaycan vətəndaşı öldürülüb

DTX: ”Ramiq Rəhimovun qanunsuz olaraq odlu silah və partlayıcı vasitələr əldə edib”

Source:

foto report.az
foto report.az


DTX: ”Ramiq Rəhimovun qanunsuz olaraq odlu silah və partlayıcı vasitələr əldə edib”

Azərbaycan vətəndaşı, 1974-cü il təvəllüdlü Ramiq Nazir oğlu Rəhimov öldürülüb.

Dövlət Təhlükəsizliyi Xidmətinin (DTX) İctimai əlaqələr şöbəsindən “Report”a verilən məlumata görə, o, Azərbaycanın hüdudlarından kənarda dini düşmənçilik zəminində silahlı münaqişələr aparan terrorçu təşkilatın tabeliyində, yaşadığı ərazidə tərəfdaşlarından ibarət “camaatın əmiri” kimi fəaliyyət göstərərək, vətəndaşları belə silahlı münaqişələrə cəlb etməkdə, cinayətkar təşkilatın üzvlərinin gizli yığıncaqlarını və əlaqələndirilməsini təşkil etməkdə şübhəli bilinir.

Məlumatda bildirilir ki, Ramiq Rəhimovun qanunsuz olaraq odlu silah və partlayıcı vasitələr əldə edib həmin təşkilatın terrorçuluq məqsədləri və insanların oğurlanması planları barədə daxil olmuş məlumat əsasında DTX tərəfindən kompleks əməliyyat-axtarış tədbirləri tətbiq olunub.

“Təxirəsalınmaz əks tədbirlərin görülməsi zərurəti ilə əlaqədar R.Rəhimovun bu il noyabrın 25-də Xaçmaz rayonunun Düztahiroba kəndində tərkisilah olunması və cinayət məsuliyyyətinə cəlb edilməsi üzrə keçirilən əməliyyat tədbirləri zamanı, sonuncu təslim olmaq barədə qanuni tələblərə tabe olmayaraq odlu silahdan atəş açıb silahlı müqavimət göstərib. Əməliyyat qrupu tərəfindən cavab tədbiri olaraq xidməti silahdan istifadə edilməklə R.Rəhimov məhv edilib.

Terrorçuluğa, adam oğurluğuna hazırlıq və digər cinayət faktları ilə bağlı Dövlət Təhlükəsizliyi Xidmətinin İstintaq baş idarəsi tərəfindən aparılan cinayət işi üzrə istintaq-əməliyyat tədbirləri davam etdirilir” – məlumatda vurğulanır.

Ana səhifəXəbərlərTerrorçu təşkilatla əlaqədə şübhəli bilinən Azərbaycan vətəndaşı öldürülüb