Aliyə Dadaşova

Mənbə: Facebook

Başlıq: Aliyə Dadaşova

Teatr tənqidçisi: Azərbaycanda müstəqil teatrlar üçün güzəştlər olmalıdır

Məqalə yeniləndi:  5 May 2021

"Özünü tanıda bilməmək tək dövlət deyil, müstəqil teatrların da problemidir"

“Bütün dünyada mövcud pandemiya ilə əlaqədar teatrlar çətinlik yaşayır. Bu baxımdan Azərbaycanda müstəqil teatrlara dəstək lazımdır. Dövlət dəstəyi ilə yanaşı, onlar üçün müəyyən güzəştlər olmalıdır ki, yaşaya bilsinlər”.

Teatr tənqidçisi Aliyə Dadaşova Meydan TV-yə açıqlamasında belə deyir.

Bildirir ki, dəstək edilməyən müstəqil teatrların fəaliyyəti də uzunömürlü olmur: “Çox ümid bəslədiyimiz “OL”, “Çıxış” kimi teatrlar yaranıb. Onların yaradıcı işinə böyük inam vardı. Lakin təəssüf ki, fəaliyyətlərini davam etdirə bilmədilər. “Çıxış” teatrının cəmi bir tamaşası göstərildi. Məkan olmadı, truppa dağıldı. Müstəqil teatrlar stabilliyi, dayanıqlılığı saxlaya bilmir. Pandemiya ilə əlaqədar bütün dünya teatrları böhran yaşayır”.

Aliyə Dadaşova deyir ki, “Azərbaycan teatrı 2009-2019-cu illərdə” dövlət proqramı vardı. Məqsədi teatrların inkişafına təkan vermək idi: “Proqramın yenidən uzadılması gözlənilirdi, olmadı. Son illər nazirlik müstəqil teatrlara tamaşa nümayişi üçün ayda iki dəfə dövlət teatrlarında səhnə verirdi. Tamamilə pulsuz şəkildə müstəqil teatrlar öz tamaşalarını təqdim etməli idilər. Hətta teatrlar vardı ki, bir dəfə oynadılar, lakin ikinci dəfəyə artıq tamaşaçı toplaya bilmədilər. Sosial şəbəkələrlə işləməmək, piar qurmamağın səbəbidir. Özünü tanıda bilməmək - tək dövlət deyil, müstəqil teatrların da problemidir”.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  5 May 2021
Bölmələr:  
qısa linklər:   http://mtv.re/np265b

Ən çox baxılan