Mənbə: Reuters

Taliban Kabulda terror aktı törədib

ABŞ-la sülh danışıqları ərəfəsində Taliban Kabuldakı polis bölməsinin qarşısında maşını partladıb. Nəticədə ən az 18 nəfər öldürülüb və 145 nəfər yaralanıb, - BBC xəbər verir.

Daxili İşlər Nazirliyinin sözçüsü Nüsrət Rəhimi bildirib ki, avqustun 7-də baş verən hücum zamanı qadınlar və uşaqlar da həlak olub.

Azadlıq Radiosu xəbər verir ki, daxili işlər nazirinin müavini Xoşal Sadat jurnalistlərə açıqlamasında deyib ki, yaralılardan 92-si mülki şəxs olub. Sadat bildirib ki, öldürülənlər arasında dörd polis əməkdaşı da var.

Hücum Kabulun qərbindəki azlıqda olan şiə məhəlləsi Golaee Dawa Khana-nın 6-cı polis bölməsini (PD6) hədəfə alıb. Hərbi təlim məktəbi də eyni məhəllədə yerləşir.

Taliban açıqlamasında məsuliyyəti öz üzərinə götürüb.

Taliban nümayəndəsi Zabihullah Mujahid intiharçılardan birinin hücumu həyata keçirdiyini deyib.

"Çox sayda əsgər və polis öldürülüb və ya yaralanıb," - o deyib.

Şahidlər partlayışdan sonra silah səslərinin davam etdiyini deyirlər.

Hücum bir çox Kabul sakininin avqustun 11-də başlayacaq müsəlman bayramı olan Qurban bayramına hazırlaşdığı vaxtda baş verib.

Taliban və ABŞ arasındakı sülh danışıqlarına baxmayaraq, Əfqanıstanda zorakılıq hallarında yavaşıma olmayıb.

ABŞ-ın sülh səfiri Zalmay Xəlilzad (Khalilzad) bu həftə danışıqlarda "əla irəliləyiş" olduğunu deyib və əlavə edib ki, bu, Amerikanın apardığı ən uzun müharibəni sonlandırmağı nəzərdə tutur.

Xəlilzad sentyabrın 1-dək yekun razılığın əldə olunacağına ümid etdiyini deyib. Lakin Taliban Kabul hökuməti ilə danışıqlara getməyi rədd edir. Taliban Kabul hökumətini “ABŞ-ın kuklası” adlandırır.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/cquf20

Ən çox baxılan