“Çünki onlar xəstə kimi müraciət ediblər”
Noyabrın 17-də talassemiyalı xəstələr “Gənclik” metrosu yaxınlığında yolu kəsiblər. Onlar xaricdən gələn həkimlərin talassemiyalı xəstələrlə görüşməsini tələb edirlər.
Yerli icra hakimiyyətinin və polislər onları yoldan kənarlaşdırmaq üçün apardıqları danışıq hələ nəticəsini verməyib.
Bu barədə Meydan TV-yə 8 ildir talassemiya xəstəliyindən əziyyət çəkən Məmməd Məmmədov məlumat verib.
Onun sözlərinə görə, Səhiyyə Nazirliyi xəstələrin Talassemiya Mərkəzində yox, yalnız nazirlikdə görüşmələrinin mümkün olduğunu desə də, onlar razılaşmayıb. Çünki onlar xəstə kimi müraciət ediblər.
