Vladimir Putinin mətbuat konfransı

Mənbə: Rusiya mediası

Başlıq: Vladimir Putinin mətbuat konfransı

Putin: Navalnı ABŞ-ın xüsusi xidmət orqanlarından dəstək alır

Məqalə yeniləndi:  17 Dekabr 2020

"Bizim xüsusi xidmət orqanlarımız bunu yaxşı bilir"

“Aleksandr Navalnı ABŞ-ın xüsusi xidmət orqanlarından dəstək alır. Amma bu, heç də onu zəhərləmək lazım olduğu anlamına gəlmir”.

Bu açıqlamanı Rusiya Prezidenti Vladimir Putin dekabrın 17-də keçirdiyi mətbuat konfransında səsləndirib.

V.Putinin dediyinə görə, əgər onlar bunu etmək istəsəydilər, işi başa çatdırardılar: “O ki qaldı Berlin klinikasındakı bu xəstəyə qoyulan diaqnoza, onun nə olduğunu yaxşı bilirik. Bu hər hansı bir istintaq deyil, Amerika xüsusi xidmətlərinin materiallarının leqallaşdırılmasıdır. Bizim xüsusi xidmət orqanlarımız bunu yaxşı bilir və lazım bildikləri yerdə telefondan istifadə edir”.

“O, kimə lazımdır? Əgər istəsəydilər, işi başa çatdırardılar”, – o, Aleksey Navalnının zəhərlənməsi barədə belə deyib.

Rusiya dövlət başçısı Ukrayna ilə əlaqələrdən danışarkən bəyan edib ki, Rusiya Donbasa dəstəyini artıracaq: “Biz, Rusiya necə ki Donbası dəstəkləyirdik, eləcə də dəstəkləməyə davam edəcəyik. Biz hətta Donbasa olan dəstəyimizi artıracağıq. Bu həm istehsalatın, həm sosial məsələlərin həllinin, həm də infrstruktur xarakterli məsələlərin və s. dəstəklənməsidir”.

“O ki qaldı Rusiya ilə Ukraytna arasındakı münasibətlərin inkişaf perspektivinə, bu, əhəmiyyətli dərəcədə Ukrayna hakimiyyətindən asılıdır”, – Putin söyləyib.

O, bununla yanaşı qeyd edib: “Ukrayadan demirəm, Ukrayna hakimiyyətindən danışıram”.

“Ukraynanın, demək olar ki, bütün əvvəlki rəhbərləri Donbasda münaqişənin bitməsi şüarı ilə, ölkənin birləşdirilməsi şüarı ilə, son nəticə olaraq Rusiya ilə münasibətlərin düzəlməsi şüarı ilə gəlib. Lakin heç nə alınmır, çünki onlar hakimiyyətə gələndə səsvermədə iştirak edən seçicilərin çoxuna arxalanırlar, lakin hakimiyyətə gələn kimi artıq azacıq tərəddüd etməyə və daima ətrafa boylanmağa başlayırlar, zənnimcə, onların siyasi cəsarəti çatmır, ifrat milli qüvvələrə sarı boylanırlar və sonda proses dayanır”, – Putin qeyd edib.

Minsk razılaşmasına yenidən baxmaq mümkün olmayacaq, onlar beynəlxalq qanuni gücünə malikdir”, – o əlavə edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  17 Dekabr 2020
Bölmələr:  
qısa linklər:   http://mtv.re/39659t

Ən çox baxılan