Xan Şeyxun

Mənbə: google.az

Başlıq: Xan Şeyxun

Suriya üsyançıları 5 ildən sonra strateji Xan Şeyxundan geri çəkilib

Xan Şeyxun uzun müddət Suriyanın vətəndaş müharibəsində strateji nöqtə olub

Suriyanın müxalif qüvvələri və üsyançılar vilayətin strateji mövqedə yerləşən Xan Şeyxun şəhərindən geri çəkiliblər,- BBC xəbər verir.

Rusiya tərəfindən dəstəklənən hökumət qüvvələri üsyançıların əlinə keçməsindən beş il sonra şəhəri geri alıb.

Üsyançılar BBC-yə bildiriblər ki, döyüşçülər çərşənbə axşamı şəhərdən çıxıblar.

Lakin İdlib əyalətindəki əsas cihadçı qrup Hayat Tahrir al-Sham (HTS) rəsmi açıqlamasında qüvvələrin şəhəri tərk etməsini onların “yerdəyişməsi” olaraq xarakterizə edib.

Çərşənbə axşamı günü İngiltərədəki Suriya İnsan Hüquqları Müşahidəsi Qrupu hökumət qüvvələrininin əlinə keçmiş şəhərin taleyinin qeyri-müəyyən olduğunu deyib.

Lakin sonra HTS bəyanat yayaraq deyib ki, böyük bir bombardman altına alındıqdan sonra döyüşçülər yenidən şəhərə yerləşdirilib.

Xan Şeyxun uzun müddət Suriyanın vətəndaş müharibəsində strateji nöqtə olub.

Şəhər 2017-ci ildə BMT mütəxəssislərinin Suriyanı günahlandırdığı kimyəvi silah hücumunun edildiyi əsas şəhər olub. Hadisə ABŞ-ın hərbi hücumlara keçməsinə səbəb olmuşdu.

Səkkiz ildən artıqdır ki, Suriyadakı müharibə davam edir.

Xan Şeyxun həmçinin İdlib əyalətində strateji cəhətdən əhəmiyyətli döyüş bölgəsidir. Şəhər iki ən böyük şəhəri birləşdirən və üsyançıların ələ keçirdiyi ərazidən keçən Dəməşq-Hələb yolu boyunca yerləşir. Bu baxımdan əsas iqtisadi arter olan, Suriyanı şimaldan cənuba birləşdirən və Dəməşq, Homs və Hələpi bir-birinə bağlayan M5 yolu boyunca yerləşən şəhərin hökumət qüvvələri tərəfindən ələ keçirilməsi Prezident Əsəd üçün xüsusi önəm daşıyır.

Xan Şeyxunun götürülməsi həmçinin üsyançıların təchizat yolunun kəsilməsi deməkdir. Xan Şeyxunu itirmək həm də İdlibi ələ keçirən cihadçı və üsyançı qrupların ittifaqı olan Hayat Tahrir al-Shamın nüfuzuna zərbə olaraq qəbul edilir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/7qmdha

Ən çox baxılan