Təklifdə minimum əmək haqqının saat başına 9,19 avrodan 12 avroya qaldırılması tələb edilir
Almaniyanın Sosial Demokratlar Partiyasının (SPD) idarə heyətikansler Angela Merkel hökuməti ilə danışıqlar üçün yekdilliklə razılığa gəlib.
Keçən həftə Merkelin mühafizəkarlarla koalisiyasının iki solçu tənqidçisi olan Norbert Walter-Borjans və Saskia Eskenin SPD rəhbərliyini qazanmasından sonra bu hal Avropanın ən böyük iqtisadi gücündə gözlənilən siyasi böhran riskini azaldır.
Cümə günü keçirilən SPD konqresi üçün hazırlanmış təklifdə yeni SPD liderləri Merkelin CDU/CSU mühafizəkar bloku ilə daha çox dövlət sərmayəsi, daha yüksək əmək haqqı və iqlimi qorumaqla bağlı iddialı addımlar haqqında danışıqlara girməyi təklif edir, partiyanın iki üzvü anonim şəkildə “Reuters”-ə bildirib.
“Reuters” tərəfindən görülən əsas təklif layihəsində qeyd edilir ki, SPD rəhbərləri hökumətin doqmatik büdcə siyasəti tərəfindən qarşısı alınmayacaq şəkildə böyük ictimai sərmayəyə təkan verilməsinə çağırış edib.
Təklifdə minimum əmək haqqının saat başına 9,19 avrodan 12 avroya qaldırılması tələb edilir.
