İyulun 18-də prezident İlham Əliyev Konstitusiyaya dəyişikliklər haqqında “Konstitusiya Aktı” layihəsini Konstitusiya Məhkəməsinə göndərib. Həmin layihəyə əsasən, prezident seçkilərinin müddəti 5 ildən 7 ilə uzadılır, vitse-prezident postları yaradılır, prezidentə Milli Məclisi istədiyi vaxt buraxma səlahiyyəti verilir. Layihədə həmçinin mülkiyyət hüququ ilə bağlı maddəyə də dəyişikliklər nəzərdə tutulub. Bəs paytaxt sakinlərinin bu layihəyə münasibəti necədir? Meydan TV bunu öyrənmək üçün Bakıda sorğu keçirib.
