Azərbaycan Dövlət Neft Şirkətinin (SOCAR) “Trabzonspor”un yeni stadionuna rəsmi sponsor olacağı ilə bağlı mətbuatda yayılan məlumatlar həqiqəti əks etdirmir.
Bu barədə “Report”a “SOCAR Turkey”dən məlumat verilib.
“SOCAR-ın Türkiyədə hər hansı stadiona sponsor olacağı xəbəri həqiqətdən uzaqdır, şirkətin ümumiyyətlə belə bir planı yoxdur”, – “SOCAR Turkey”dən bildirilib.
Türkiyə və Azərbaycanın bir sıra KİV-lərində Trabzonda inşa edilən “Akyazı” stadionuna sponsor qismində SOCAR-ın da cəlb olunduğu barədə xəbərlər yayılıb.
***
”Artıq tərəflər imzalanacaq müqavilə bağlı bəzi son məqamları dəqiqləşdirir”
“Trabzonspor”un yeni stadionu “SOCAR Arena” adlanacaq.
Qol.az-ın Türkiyə mətbuatına istinadən yaydığı xəbərə görə, klub rəhbərliyinin Azərbaycan Reslublikası Dövlət Neft Şirkəti – SOCAR-la apardığı danışıqlar müsbət nəticələnib və razılığa gəlinib. Məlumatda bildirilir ki, artıq tərəflər imzalanacaq müqavilə bağlı bəzi son məqamları dəqiqləşdirir.
Sponsorluq müqaviləsinin müddəti və məbləği barədə məlumat yoxdur.
Həmçinin bildirilir ki, məsələ ilə bağlı “Trabzonspor”un yaxın vaxtlarda rəsmi açıqlama verəcəyi gözlənilir.
İnşasına 2013-cü ildə başlanan yeni stadionunda son tamamlama işləri gedir. “Trabzonspor”un bu arenada ilk oyununu bu ilin oktyabrında keçirəcəyi nəzərdə tutulub.
