”Cari ilin yanvar-iyun aylarında büdcəyə 661 mln. 742 min manat vəsait ödənilib ki, bu da ötən ilin birinci yarısı ilə müqayisədə 9,2 faiz və ya 66,988 mln. manat azalma deməkdir”
SOCAR tərəfindən 2016-cı ilin iyun ayında dövlət büdcəsinə 98 mln. 961 min manat vəsait ödənilib.
“APA-Economics” SOCAR-ın açıqladığı rəqəmlərə istinadən xəbər verir ki, dövlət şirkətinin büdcə ödənişləri ötən ilin müvafiq dövrü ilə müqayisədə 20% və ya 24,727 mln. manat azdır.
Ümumiyyətlə, cari ilin yanvar-iyun aylarında büdcəyə 661 mln. 742 min manat vəsait ödənilib ki, bu da ötən ilin birinci yarısı ilə müqayisədə 9,2 faiz və ya 66,988 mln. manat azalma deməkdir.
Bundan əlavə, bu ilin iyun ayında SOCAR Dövlət Sosial Müdafiə Fonduna (DSMF) 12 mln. 173 min manat vəsait köçürüb. Qeyd edək ki, bu göstərici ötən ilin iyun ayı ilə müqayisədə 231 min manat və ya 1,9 faiz çox olub. Ümumiyyətlə, 2016-cı ilin yanvar-iyun aylarında şirkət tərəfindən fonda ödəniş 69,532 mln. manat təşkil edib ki, bu da 0,4 faiz azalma deməkdir.
