Hadisə baş verən gün özüldə 63 nəfər çalışıb
“Günəşli” yatağının 10 saylı stasionar dərin dəniz özülündə baş verən şiddətli yanğın və qəza nəticəsində 30 nəfər itkin düşüb.
APA-nın məlumatına görə, hadisə baş verən gün özüldə 63 nəfər çalışıb.
Onlardan 32 nəfər xilas edilib. Bir nəfər isə həlak olub.
Hazırda özülün 30 əməkdaşı itkin düşüb.
İtkin düşmüş şəxslərlə bağlı axtarış-xilasetmə işləri davam etdirilir.
Fövqəladə Hallar Nazirliyinin qüvvələri özüldə yanğının söndürülməsi istiqamətində də işləri davam etdirirlər.
Baş vermiş hadisə ilə bağlı Azərbaycan prezidenti İlham Əliyev Dövlət Komissiyasının yaradılması barədə sərəncam imzalayıb.
Sərəncama görə, xilasetmə işlərinin sürətləndirilməsi, aidiyyəti dövlət orqanlarının fəaliyyətinin əlaqələndirilməsi, baş vermiş qəzanın səbəblərinin araşdırılması və nəticələrinin aradan qaldırılması məqsədi ilə Dövlət Komissiyası yaradılıb.
Dövlət Komissiyasına baş nazir Artur Rasi-zadə sədrlik edəcək.
Dövlət Komissiyası itkin düşənlərin axtarışı və xilasetmə işlərinin sürətləndirilməsini təmin etməli, hadisənin baş verməsi səbəblərini və şəraitini araşdıraraq onun nəticələrinin aradan qaldırılması üçün təxirəsalınmaz tədbirlər müəyyənləşdirməli və həyata keçirməlidir. Eyni zamanda qəza nəticəsində zərər çəkmiş şəxslərə və həlak olanların ailə üzvlərinə maddi və digər zəruri yardım göstərilməsi, xəsarət alanların müalicəsinin təmin edilməsi, qəza nəticəsində dərin dəniz özülünün yararlılıq vəziyyətinin və ona dəymiş zərərin müəyyənləşdirilməsi və görülmüş işlər barəsində Azərbaycan Prezidentinə mütəmadi məlumat vermək də tapşırılıb.
Azərbaycan Baş Prokurorluğu Daxili İşlər, Fövqəladə Hallar və Milli Təhlükəsizlik nazirlikləri ilə birlikdə baş vermiş hadisənin səbəblərinin araşdırılması üçün təxirəsalınmaz istintaq tədbirləri həyata keçirməlidir.
Axtarışı davam etdirilən əməkdaşların siyahısı:
1 Qasımov İman Şura o. 01.12.1967
2 Qasımov Mübariz Dilqəm o. 21.01.1958
3 Quliyev Fəxrəddin Xancan o. 05.01.1957
4 Rzaxanov Edik Rivazin o. 15.01.1983
5 Babazadə Tural Fətəli o. 01.09.1993
6 Quliyev Əzizağa Nöhbala o. 16.09.1953
7 Rəsulov Elşad Balaoğlan o. 24.03.1971
8 Qasımov Bayram Mirzəağa o. 20.03.1978
9 Abdullayev Adil Ələkbər o. 19,02,1953
10 Tağıyev Fuad Tahir oğlu 23.02.1981
11 Əbdüləzizov Əbdüləziz İsmayıl oğlu 30.01.1954
12 Şirəliyev İzzət Qəmbər o. 10.05.1973
13 Nəcməddinov Qəmərşah Nəcməddin o. 20.09.1978
14 Niyazov Seyfəddin Abil o. 09.02.1968
15 Babayev Mikayıl İsmayıl o. 06.11.1963
16 İskəndərov İnqilab Osman o. 29.11.1957
17 Mahmudov Ağa İzzət o. 24.03.1968
18 Mayborda Oleq Akimoviç 21.11.1971
19 Mayılov Samir Cahangir o. 07.03.1984
20 Əhmədov Çanbaxış Əhməd o. 21.02.1962
21 İbrahimov Xalid Bəşir o. 12.08.1971
22 Həsənov Zaur Vahid o. 24.12.1975
23 Cəriyev Vəli Kiçikağa o. 22.04.1967
24 Hüseynov Bəhlul Sirac o. 25.11.1969
25 İsgəndərov Habil Tağı o. 05.03.1965
26 Səmədov Xoşbəxt Xanış o. 26.09.1981
27 Həsənov Ramiz Nüsrəddin o. 02.08.1965
28 Xəlilov Zaur Arif o. 15.09.1975
29 Sahmarov Sahib Güloğlan o. 02.08.1973
30 Əliyev Əyyub Xəlil o. 22.07.1973
