Səyyar kitab satmağa qoymadılar, özünə “Kitabaz” adlı mağaza açdı.
Bir neçə gün öncə Bakınını mərkəzində yeni bir kitab mağazasının açılışı oldu. Mağazanın sahibi Qurban Məmmədli bildirdi ki, əvvəl səyyar kibat satışı ilə məşğul olsalar da, artıq buna icazə verilmir. Bu səbəbdən mağaza açmaq qərarına gələn gənc deyir ki, səyyar kitab satışı mağazaya nisbətən daha uğurlu idi:
“Əvvəl səyyar olaraq kitab satırdım. Sağ olsunlar, imkan vermədilər və məcburən biz burda oturduq. Mən əvvəlcədən də demişdim ki, burda oturmaq effektiv deyil. İnsanlara kitab çatdırmaq başqa, biri də var insanları kitaba çağırmaq. Sosial şəbəkələrə baxsaq, hamı kitabdan danışacaq, amma o danışan 10 min adamdan 50-100 nəfərini burda görsək sevinərik. Bax bu kitabdab danışan və kitabdan qaçan insanlara biz səyyar olaraq çatdırırdıq”.
Mağazanın açılışında gənc yazarlar Qan Turalı, Mirmehdi Ağaoğlu, şair Aqşin Yenisey və başqa kitabsevərlər də iştirak ediblər.
