Seymur Həzi və Nigar Həzi

Mənbə: Mikroskop media

Başlıq: Seymur Həzi və Nigar Həzi

Seymur Həzinin həbs müddəti bitib

Jurnalist artıq azadlıqdadır

Jurnalist Seymur Həziyə verilən 30 sutkalıq həbs cəzasının müddəti bitib. Seymur Həzi azadlığa çıxıb.

Məlumatı onun həyat yoldaşı Nigar Həzi verib.

Seymur Həzi oktyabrın 17-də həbs olunmuşdu. Səbəb kimi onun metronun “Əhmədli” Stansiyasının yaxınlığında telefonda kiməsə yüksək səslə söyüş söyməsi göstərilmişdi.

İddialara görə, bu zaman polis əməkdaşları ona irad bildirib, intizama dəvət etsələr də, Seymur Həzi onların göstərişinə əməl etməyib, müqavimət göstərib.

Seymur Həzi isə bildirir ki, o, həyat yoldaşını gözləyərkən mülki geyimli üç nəfər onu tutub, 34-cü polis bölməsinə, oradan da Xətai Rayon Məhkəməsinə aparıb.

Xətai Rayon Məhkəməsinin 17 oktyabrda çıxardığı qərarla əvvəlcə 15 sutkalığa həbs olunub. Lakin Xətai Rayon Polis İdarəsinin rəisi İlqar Məmmədov sözügedən qərardan apelyasiya şikayəti verib və Seymur Həzinin cəzasının sərtləşdirilməsini istəyib. Həmin apelyasiya şikayətinə oktyabrın 29-da Bakı Apelyasiya Məhkəməsində baxılıb.

Hakim Faiq Qasımovun sədrliyilə keçirilən prosesdə S.Həzinin həbs müddəti 30 sutkaya qaldırılmışdı.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/zoqwyv

Ən çox baxılan