Karantin rejimi

Mənbə: Meydan TV

Başlıq: Karantin rejimi

Sərt karantin rejimi daha 2 həftə uzadıla bilər

Gün ərzində koronavirusa yoluxanların sayı 556 nəfərdir

“5 iyul tarixinə kimi sərtləşdirilmiş karantin rejimi tətbiq edilir. Bundan sonra da karantin rejiminin 2 həftə artırılması ilə bağlı fikirlər və rəylər var. Bununla bağlı da məlumat veriləcək”.

Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev Nazirlər Kabineti yanında Operativ Qərargahın iyunun 30-da keçirilən brifinqində çıxışı zamanı belə deyib.

Onun sözlərinə görə, koronavirus müharibədir və bu, davam edir.

Tibbi Ərazi Bölmələrini İdarəetmə Birliyinin (TƏBİB) Xəstəliklərin kontrolu və profilaktikası şöbəsinin müdiri Yaqut Qarayeva isə iyunun 30-a olan statistikanı açıqlayıb.

Beləliklə gün ərzində Azərbaycanda 556 nəfər COVİD-19 infeksiyasına yoluxub, 346 adam müalicə olunaraq evə buraxılıb, 7 xəstə isə ölüb.

Yaqut Qarayeva Azərbaycanda bu günə qədər 17 524 nəfərin yeni koronavirus infeksiyasına yoluxduğunu deyib:

“Onlardan 9 715 adam sağalıb, 213 pasiyent ölüb”.

Yaqut Qarayeva ümumilikdə 482 min 170 test keçirildiyini xatırladıb: “Bu gün 6645 test olub”.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/wybun3

Ən çox baxılan