Sərhədi pozmaqda şübhəli bilinən şəxs öldürülüb

Dövlət Sərhəd Xidməti

Dövlət Sərhəd Xidməti

Dövlət Sərhəd Xidməti həmin şəxsin əmrə tabe olmadığını bildirib

İranla sərhəddə, Azərbaycanın “Göytəpə” sərhəd dəstəsinin Yardımlı rayonunun Buravar kəndi (Bakıdan 300 kilometr cənubda) yaxınlığındakı postunun ərazisində fevralın 11-də sərhədi pozmağa cəhd edən Azərbaycan vətəndaşı Zülfüqar Seyfullayev öldürülüb.

“Turan” agentliyinin Azərbaycan Dövlət Sərhəd Xidmətinin mətbuat mərkəzinə istinadən verdiyi məlumata görə, Zülfüqar Seyfullayev İran ərazisindən Azərbaycan istiqamətində hərəkət edirmiş.

“Həmin şəxs Azərbaycan sərhədçilərinin əmrinə tabe olmayaraq İran istiqamətində geriyə doğru qaçıb. “Dövlət sərhəddi haqqında” qanunun tələblərinə uyğun olaraq sərhəd naryadı tərəfindən silah tətbiq olunub və sərhəd pozucusu aldığı güllə yarasından hadisə yerində ölüb”, - xəbərdə deyilir.

Hazırda Dövlət Sərhəd Xidməti və Hərbi Prokurorluq hadisə ilə əlaqədar əməliyyat-istintaq hərəkətləri həyata keçirir.

Zülfüqar Seyfullayevin yaxınları və İran tərəfi sərhəddə baş verənlərə hələ münasibət bildirməyiblər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/8a9bgg

Ən çox baxılan