Bakıdan təxminən 200 km aralıqda yerləşən Qusarın Laza kəndi daha çox öz şəlaləsi ilə tanınır. Laza kəndi dəniz səviyyəsindən təxminən 4200 m hündürlükdə yerləşən Şahdağ yüksəkliyindəki “Şah yaylaq” dağının ətəyində yerləşir. Turist və yerli insanlar daha çox şəlaləyə baxmaq üçün məhz Qusarın Laza kəndinə gəlirlər.
Laza kəndində əsasən etnik ləzgilər yaşayır. Lazanın sakinləri adi dağ həyatı yaşayırlar. İnsanları ev təsərrüfatı, quşçuluq, iri və xırdabuynuzlu heyvandarlıqla məşğul olurlar.
Dekabrın ortalarından başlayaraq Lazaya gediş-gəliş olduqca çətinləşir. Adi maşınlarla Lazaya getmək təhlükəli olduğundan kəndə gəlmək istəyən turist yaxud yerli vətəndaşları kənd sakinləri müəyyən ödənişlərlə xüsusi maşınlarla gətirib və geri qaytarırlar. Mart ayının sonlarından isə dağlarda qar əridiyindən şəlalənin suyu daha da çoxalır. Məhz buna görə də turistlərin axını bu aylarda daha çox olur. Kənd sakinləri də öz şəraitlərini yaxşılaşdırmaq üçün öz həyətlərində qonaqlar üçün əlavə evlər və kateclər tikib istifadəyə verirlər.
