Raqif Orucov Şəhidlər Xiyabanında dəfn olunacaq
Cəbhə xəttinin Xocavənd-Füzuli, Ağdərə-Tərtər istiqamətlərində gedən döyüşlərdə şəhid olan Azərbaycan Silahlı Qüvvələrinin hərbçilərindən biri – polkovnik-leytenant Raqif Orucov bu gün Sumqayıt şəhərində dəfn olunacaq. Hazırda hərbçinin nəşi evindədir.
Mərasim yerində olan Meydan TV əməkdaşının verdiyi məlumata görə, polkovnik-leytenant Sumqayıtdakı Şəhidlər Xiyabanında dəfn ediləcək. Onu uğurlamaq üçün 100-lə şəhər sakini mərhumun evinin önünə toplaşıb. Onlar “Qarabağ bizimdir, bizim olacaq”, “Şəhidlər ölməz, Vətən bölünməz” şüarları səsləndirirlər.
