Şəhid anası: ”Unibank” 1000 manata görə bizi məhkəməyə verib

””Kapital Bank” şəhid anası olduğum üçün borcu sildi, ”Unibank” yox”

Source:

foto unibank
foto unibank


””Kapital Bank” şəhid anası olduğum üçün borcu sildi, ”Unibank” yox”

“Başımız yasa qarışanda“Unibank” bizi məhkəməyə verdi”

Bu barədə

“Moderator.az”

saytına aprel döyüşlərində şəhid olan Rəşid Əliağa oğlu Baxşəliyevin anası məlumat verib.

Çimnaz Baxşəliyevanın sözlərinə görə, “Unibank” rəhbərliyi 1000 manat kredit borcuna görə onları məhkəməyə verib:

““Unibank”dan 2015-ci ilin yanvar ayında “Albalı kart” aldım və bu kart vasitəsi ilə hesabımdan 500 manat pul çıxardım. Həmin vaxt maddi durumumuz yaxşı deyildi, həyat yoldaşım da xəstədi, işləmirdi. Həmin pulla Rəşid hərbi xidmətdə olarkən ona da dəyməyə getdim və qalanını isə evə sərf etdim.

Bundan başqa, “Kapital Bank”a da 3500 manat kredit borcum var idi. Rəşid şəhid olandan sonra “Kapital Bank” rəhbərliyi məni çağırıb dedi ki, 3500 manat sənin kimi anaların ağ saçlarına qurban olsun. Beləcə bank rəhbərliyi 3500 kredit borcumu sildi. Çünki vəziyyətimiz həqiqətən yaxşı deyil. Özüm Bakı şəhəri Yaşıllaşdırma İdarəsinin 2 saylı Təsərrüfat Birliyində bağ fəhləsi işləyirəm. İndi səhhətimlə bağlı məni məzuniyyətə göndəriblər. Çünki gözümün ağı-qarası tək oğlum şəhid olandan sonra səhhətimdə problemlər yaranıb”.

Şəhid anası Müdafiə Nazirliyindən kömək istəyir:

“Başımız yas mərasiminə qarışdığı bir vaxtda “Unibank” məni Zəngilan rayon Məhkəməsinə verərək pulu ödəməyimi tələb edib. Yığılan faizlə birlikdə 500 manat şişərək, artıq 1000 manata çatıb. Mən də məhkəməyə gedib dedim ki, ödəməyə imkanım yoxdu. Nə mən, nə də həyat yoldaşım işləyir. Bir oğlum var idi, o, da şəhid oldu. Problem elə də qalıb. Bunlar bir şəhid ailəsinin 1000 manat kreditini silə bilmir?! Niyə “Kapital Bank” şəhid anası olduğum üçün o addımı atdı, “Unibank”yox? Mən çox təəssüf hissi keçirirəm. Oğlum sağ olsaydı, indi gedib işləyərdi, qoymazdı anası banklarda kredit əsiri olsun. Mən Müdafiə Nazirliyindən mənə kömək etmələri ilə bağlı xahiş edirəm”.

Ana səhifəXəbərlərŞəhid anası: ”Unibank” 1000 manata görə bizi məhkəməyə verib