Şahzadə Harri və həyat yoldaşı Meqan

Mənbə: Foto: arxiv

Başlıq: Şahzadə Harri və həyat yoldaşı Meqan

Şahzadə Harri kral ailəsinə aid imtiyazlardan imtina edir

“Qərar ağılın deyil, ürəyin səsi ilə verilib”

Şahzadə Harri və onun həyat yoldaşı Meqan kral ailəsinə aid imtiyazlardan imtina etmək istədiklərini bəyan ediblər.

Sasseks hersoqu və hersoginiyası olan Harri və Meqan bildiriblər ki, maliyyə müstəqilliyinə nail olmaq istəyirlər.

“BBC”-nin məlumatına görə, bu barədə cütlük “İnstagram”-da yazıb.

Onlar bundan sonra Britaniyadan başqa Şimali Amerikada da yaşamaq istədiklərini deyiblər.

Məlumatda bildirilir ki, cütlük monarxiya daxilində yeni, proqressiv rol oynamaq niyyətindədir. Onların sözlərinə görə, qərar bir neçə ay çəkən müzakirələrdən sonra verilib.

“Hər iki qitədə yaşamaq həm kral ailəsinə hörmət şəraitində oğlumuzu tərbiyə etməyə, həm də şəxsi azadlığımızı genişləndirməyə imkan verər. Biz həyatımızın yeni mərhələsini yaşamaq istəyirik. Bu mərhələyə xeyriyyəçilik fondunun yaradılması da daxildir”, - Harri və Meqanın bəyanatında deyilir.

Bukengem sarayı bəyan edib ki, şahzadə Harri və Meqanla danışıqlar ilkin mərhələdədir.

“Biz onları öz yolları ilə getmək istəyinə görə anlayırıq. Amma bu həlli elə də asan olmayan və zaman tələb edən məsələdir”, - sarayın bəyanatında deyilir.

Bukengem sarayının keçmiş mətbuat katibi Diki Arbiter deyib ki, şahzadə Harri qərarı ağlının deyil, ürəyinin səsi ilə verib. Onun fikrincə, qərarın səbəblərindən biri cütlüyün oğlu Arçinin anadan olmasından sonra KİV-lərin onların ailəsinə həddən artıq diqqət yetirməsindədir.

Müasir dövrdə yalnız bir dəfə kral ailəsinin üzvü imtiyazlardan imtina edib. 1936-cı ildə VIII Edvard taxt-tacından aktrisa Uollis Simpson ilə evlənmək üçün imtina edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/jz6pdm

Ən çox baxılan