Dörd nəfər ölüb, üç nəfər yaralanıb
Sabirabadın Şəhriyar kəndində oktyabrın 8-də ağır yol qəzası baş verib.
“KaMAZ” markalı yük avtomobili ilə “Mercedes” markalı minik avtomobilinin toqquşması nəticəsində dörd nəfər ölüb, üç nəfər yaralanıb.
APA-nın məlumatına görə, ölənlər “Mercedes” in sürücüsü, Füzuli rayon sakini, 1981-ci il təvəllüdlü Mustafayev Fərman Telman oğlu, 21 yaşlı Eyvazlı Etibar Məzahir oğlu, 1996-cı il təvəllüdlü Quluzadə Elsevər Bəxtiyar oğlu, 1997-ci il təvəllüdlü Rəsulzadə Səxavət Əhməd oğludur.
Ölənlərdən üçünün meyitini avtomobildən FHN-nin xilasediciləri çıxarıb.
Faktla bağlı araşdırma aparılır.
