“78 yaşlı anam Riqaya müalicə üçün və doğma qardaşının məzarını ziyarət etmək üçün yola çıxmalıyıdı”
Oktyabrın 25-də Azərbaycanın Brüsseldə yerləşən İslam Əməkdaşlıq Təşkilatının Avropa Birliyi yanında nümayəndəliyinin sabiq rəhbəri və bu təşkilatın ilk səfiri Arif Məmmədovun anasını Heydər Əliyev Hava Limanında saxlayıblar. Bu barədə sabiq səfir Arif Məmmədov öz Facebook səhifəsində yazıb.
“Bu gün səhər mənim 78 yaşlı anam Riqaya müalicə üçün və doğma qardaşının məzarını ziyarət etmək üçün yola çıxmalıyıdı. Onu hava limanında ölkədən çıxmağa qoymadılar və bütün günü çox gərgin olmuşam. Elə bu müraciəti bu hisslər altında yazıram. Anamın titrəyən səsini telefonda dinləyərək çox əsəbləşdim. Allah bütün anaları qorusun”.
