Kirill Serebrennikov

Mənbə: Foto: SİTA

Başlıq: Kirill Serebrennikov

Rusiyalı rejissor Serebrennikov ittiham edilib

Rusiyada və xaricdə yüzlərlə mədəniyyət xadimi ona dəstək verir

Moskva məhkəməsi məşhur Rusiya teatr və kino rejissoru Kirill Serebrennikovu saxtakarlıqda ittiham edib, - “Guardian” xəbər verir.

Serebrennikovun tərəfdarları məhkəmənin bu qərarını Rusiyada sənət azadlığının sınağı olaraq görüb.

Təxminən 1.5 milyon funt sterlinq oğurlamaqda günahlandırılan Serebrennikova qarşı üç ildir davam edən məhkəmə işi sona çatıb. Rusiyada və xaricdə yüzlərlə mədəniyyət xadimi ona dəstək verir, xəbərdə qeyd edilir.

Hakim 50 yaşlı incəsənət xadimini və onun iki əməkdaşını Rusiyada digər cəsarətli sənət layihələrinə yol açmış “Platforma” adlı teatr layihəsində dövlət vəsaitlərini mənimsəməkdə günahkar bilib.

Hakim Olesya Mendeleyeva bildirib ki, Serebrennikov və tərəfdaşları Yury Itin və Konstantin Malobrodsky “özlərini zənginləşdirməyə yönəlmiş hərəkətlər” və mədəniyyət nazirliyinin işçilərini çaşdıran davranışlar ediblər.

Prokurorluq məhkəmədən Serebrennikovu 6 il müddətinə azadlıqdan məhrum etməsini istəyib.

Moskvanın ən böyük teatr məkanlarından biri olan Qoqol Mərkəzinə rəhbərlik edən Serebrennikov 2017-ci ildə həbs olunub, lakin keçən il ona qarşı qaldırılmış məhkəmə işi dayandırılmışdı.

Məhkəmə işi yeni hakimlə təzələndikdən sonra o, həbsdən azad edilərək ev həbsinə verilmişdi. Onun işinə dönməyə icazə verildikdən sonra çoxu qaldırılmış məhkəmə işinin sonlanacağına ümid edirdi.

Cümə günü məhkəmə prokurorluğun iddiasını təmin edərək Serebrennikovu və onun əməkdaşlarını günahkar bilib. Onlar iddianı rədd edirlər. Siyasi tənqidçilər Serebrennikova qarşı qaldırılmış iddianı siyasi motivli hesab edirlər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/1vojgv

Ən çox baxılan