“Mİ-8” Turuxan rayonunda sərt eniş edib
Noyabrın 26-da səhər saatlarında Rusiyanın Krasnoyarsk diyarında göyərtəsində 26 sərnişin və 3 ekipaj üzvü olan “Mi-8” helikopteri qəzaya uğrayıb. Helikopter Rusiyanın “Turuxanavia” helikopter avia şirkətinə məxsusdur.
“RİA Novosti”nin məlumatına görə, helikopter Turuxan rayonunda sərt eniş edib. “Mi-8” İqarka – neft ötürücü stansiya marşrutu üzrə hərəkət edirmiş.
Qəza nəticəsində 15 nəfərin öldüyü müəyyən edilib. 10 nəfər xəstəxananın reanimasiya şöbəsinə yerləşdirilib. Bu haqda Rusiyanın Qərbi Sibir bölgəsinin nəqliyyat prokuroru Oksana Qorbunova məlumat verib. Onun sözlərinə görə, hadisə yerində axtarış-xilasetmə əməliyyatı keçirilir.
