Ekipaj üzvlərindən 2 nəfər ölüb, 2 nəfər yaralanıb
Rusiyanın Murmansk
vilayətində uzaq məsafəli bombardmançı TU-22M3 təyyarəsi aerodroma eniş edərkən, qəzaya uğrayıb.
Ekipaj üzvlərindən iki nəfərin öldüyü, iki nəfərin isə yaralandığı bildirilir.
Uzaq məsafəli, səsdən sürətli bombardmançı TU-22M3 təyyarəsi aerodromlardan 2200 km məsafədə dənizdə və quruda hədəfləri vurmaq qabiliyyətindədir.
Son variantda bu təyyarələr orduya 1989-cu ildə verilib.
Ümumilikdə 268 belə təyyarə istehsal olunub. Rusiya Suriya ərazisini bombalayarkən, dəfələrlə bu təyyarələrdən istifadə edib. Təyyarələr Rusiyada havaya qalxaraq, İran və İraq ərazilərinin üstündən uçub, Suriyada hədəfləri bombardman ediblər.
Bu tipli təyyarə sonuncu dəfə 2004-cü ilin yayında qəzaya uğrayıb.
