Rusiya-Azərbaycan sərhədi

Mənbə: Foto: Meydan TV

Başlıq: Rusiya-Azərbaycan sərhədi

Dağıstanın polis bölmələrinə 90 Azərbaycan vətəndaşı gətirilib (yenilənib)

Məqalə yeniləndi:  16 İyun 2020

***

“Azərbaycanlılar ölkəyə buraxılmamalarına etiraz olaraq magistral yolu kəsiblər”

Dağıstan polisinin əməkdaşları çadır düşərgəsində baş verən qarşıdurmaya görə 90 nəfərə yaxın Azərbaycan vətəndaşını polis bölmələrinə gətiriblər.

Bu barədə “İnterfax” agentliyinə İstintaq İdarəsinin bölgə üzrə rəhbərinin köməkçisi Rəsul Temirbəyov deyib.

O qeyd edib ki, Azərbaycan vətəndaşları bölmələrə gətirilsələr də, onlar saxlanılmayıblar.

Agentlik xatırladıb ki, iyunun 15-də Kullar qəsəbəsi yaxınlığında yerləşdirilmiş Azərbaycan vətəndaşları ölkəyə buraxılmamaqlarına etiraz əlaməti olaraq düşərgəni tərk edərək, “Qafqaz” magistral yolunu kəsiblər. Hadisə yerinə Rusiya Federal Təhlükəsizlik Xidmətinin sərhəd xidmətinin və Dağıstan DİN-nin əməkdaşları gəliblər. Etirazçılar hüquq-mühafizə orqanı əməkdaşlarına müqavimət göstəriblər.

***

“Qadına, qocaya, uşağa baxmadan çox qəddar davranırdılar”

Azərbaycan-Rusiya sərhədində aylardır gözləyən vətəndaşlarımız iyunun 15-dən 16-na keçən gecə OMON-un hücumuna məruz qalıb.

Məlumatı Meydan TV-yə sərhəddə olan Azərbaycan vətəndaşları verib.

Onların bilrdirdiyinə görə, 300-dən çox Azərbaycan vətəndaşı rəsmi Bakıya və Moskvadakı səfirliyə müraciət etsə də, ölkəyə buraxmırlar:

“Bizə hər dəfə təmkinli olub gözləməyi məsləhət görürlər. Halbuki, burada yaxınlarını itirənlər, ağır xəstəliklərdən əziyyət çəkənlər var. Əksəriyyətinin pulu da qurtarıb. Gecə gözlənilmədən bizə Rusiya OMON-u hücum etdi. Onlar qadına, qocaya, uşağa baxmadan çox qəddar davranırdılar. Eşitdiyimizə görə 2 nəfər ölüb”.

Mayın 18-də Dərbənddə ümumilikdə 900-ə yaxın Azərbaycan vətəndaşı var idi.

Mayın 18-də və 26-da quru sərhədindən Rusiyadan Azərbaycana 251 nəfər qayıdıb. Aprelin əvvəlindən Rusiyaya müvəqqəti gedənlər Azərbaycana qayıtmaq üçün sərhəddəki neytral zonada gözləyirlər.

Azərbaycan və Rusiya vətəndaşlarının qarşılıqlı səfərləri 18 mart saat 00.00-dan etibarən müvəqqəti olaraq dayandırılıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  16 İyun 2020
Bölmələr:  
qısa linklər:   http://mtv.re/dgb8yb

Ən çox baxılan