Bu həftə sabiq təhsil nazir, professor Firudin Cəlilov Türkiyəyə, aktrisa Xanım Qafarova İsrailə müalicəyə yola salınıb
Prezident İlham Əliyevin göstərişi ilə Azərbaycan Xalq Cümhuriyyətinin qurucularından olan Məhəmməd Əmin Rəsulzadənin nəvəsi Rəis Rəsulzadə əməliyyat olunmaq üçün Almaniyaya göndərilib.
Prezident Administrasiyasındakı mənbələrdən APA-ya daxil olan məlumata əsasən, o, dövlət hesabına bu ölkənin məşhur “Şarite” hospitalında əməliyyat ediləcək və müalicə alacaq. Onun ağır xəstəlikdən əziyyət çəkdiyi bildirilir.
R. Rəsulzadənin 2013-cü ilin əvvəlində də Bakıda eyni xəstəlikdən əməliyyat və müalicə olunduğu bildirilir.
Rəis Azər oğlu Rəsulzadə Azərbaycan Rəssamlar İttifaqının üzvü, əməkdar rəssamdır. R.Rəsulzadə, həmçinin, ictimai fəaliyyətlə məşğuldur və Azərbaycan Siyasi Repressiya Qurbanları Assosiasiyasının prezidentidir.
Bu həftə sabiq təhsil nazir, professor Firudin Cəlilov Türkiyəyə, aktrisa Xanım Qafarova İsrailə müalicəyə göndərilib. F.Cəlilov dövlətin, X.Qafarova isə Heydər Əliyevin Fondu hesabına müalicə alacaqlar.
