Günay İsmayılova: “Onun təşkilatı qeydiyyata alınmadığından heç bir vəzifəsi olmayıb və bu maddə absurddur”
Dekabrın 12-də həbsdə olan vicdan məhbusu Rəsul Cəfərova qarşı iki yeni maddə irəli sürülüb. Bu barədə Meydan TV-yə Cəfərovun vəkili Günay İsmayılova deyib.
Vəkilin sözlərinə görə, Cəfərova qarşı Cinayət Məcəlləsinin 313 (Vəzifə saxtakarlığı) və 179.3.2 (Mənimsəmə və ya israf etmə) maddələri uzre ittiham irəli sürülüb: “Müstəntiq deyib, guya, Rəsul Cəfərovun qrantlarla bağlı bütün sənədlər istintaqa təqdim olunmayıb. Vəzifə saxtakarlığına gəlincə, onun təşkilatı qeydiyyata alınmadığından heç bir vəzifəsi olmayıb və bu maddə absurddur”.
