Mədəniyyət naziri Anar Kərimov və rejissor Tahir Tahiroviç

Mənbə: Meydan TV

Başlıq: Mədəniyyət naziri Anar Kərimov və rejissor Tahir Tahiroviç

Rejissor: Bizə yaxşı kino komandası lazımdır

Məqalə yeniləndi:  1 Fevral 2021

“Kinostudiyadakılara mütləq şərait yaradılmalıdır”

“Azərbaycan kinosunun inkişafı haqqında dövlət proqramı olub. Sənəddə bu sahənin inkişafına dair məqsəd və vəzifələr qeyd edilib. Lakin bunların heç biri reallaşmayıb, elə sənəddə qalıb”.

Rejissor Tahir Tahiroviç mədəniyyət naziri Anar Kərimovun Azərbaycanın Kino Agentliyinin yaradılması fikrini şərh edərkən belə deyib.

“Agentliyin yaradılması yaxşıdır. Lakin bizə yaxşı kino komandası lazımdır. Cəfər Cabbarlı adına Kinostudiyanın hazırkı rəhbərliyi, həmçinin Mədəniyyət Nazirliyin Kino Şöbəsinin rəhbərliyi yaxşıdır. Buradakı uşaqlar həm kinonu yaxşı bilirlər, həm də təmizdirlər. İşinə qarşı təmiz, dürüst olmaq, işin yarısıdır. Onlara mütləq şərait yaratmaq lazımdır ki, işləsinlər”, - rejissor Meydan TV-yə açıqlamasında bildirib.

Mədəniyyət naziri Anar Kərimov deyib ki, Azərbaycan Kino Agentliyinin yaradılmasında əsas məqsəd film sənayesini daha çox inkişaf etdirmək, sərmayə qoyuluşunu artırmaq, xarici investorları cəlb etmək və bununla da Azərbaycan kinosunun inkişafına nail olmaqdır.

Həmçinin Azərbaycanda kinematoqrafiya sahəsinə investisiyaların cəlbi mexanizmi hazırlanacaq. Bu, 2021-ci il üçün büdcə zərfinə daxil olan “Azərbaycan Respublikasının 2021-ci il və növbəti 3 il üçün iqtisadi və sosial inkişaf konsepsiyası və proqnoz göstəriciləri”ndə əksini tapıb.

Bu il üçün büdcə zərfinə daxil olan sənədə əsasən, Azərbaycan kinematoqrafiya sahəsinə investisiyaların cəlbi mexanizmlərini özündə əks etdirən “Azərbaycan sərmayə” (“İnvest in Azerbayjan”) mexanizmlərinin tənzimlənməsi Qaydası” təsdiqlənəcək və icra olunacaq.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  1 Fevral 2021
Bölmələr:  
qısa linklər:   http://mtv.re/bg94ye

Ən çox baxılan