Vəkil prosesin qapalı keçirildiyini söyləyərək başqa heç bir açıqlama verməyəcəyini bildirib
Dekabrın 9-da Bakı Ağır Cinayətlər Məhkəməsində hakim Əlisultan Osmanovun sədrliyi ilə jurnalist Rauf Mirqədirovun qapalı məhkəməsi davam etdirilib.
Bu barədə Meydan TV-yə məlumat verən vəkil Fuad Ağayev şahidlərin ifadə verdiyini deyib. O, prosesin qapalı keçirildiyini söyləyərək başqa heç bir açıqlama verməyəcəyini bildirib.
Proses dekabrın 14-də davam etdiriləcək.
R. Mirqədirov ötən il aprelin 19-da Bakı hava limanında saxlanılıb və ona qarşı Cinayət Məcəlləsinin 274-cü (dövlətə xəyanət) maddəsi ilə cinayət işi açılıb.
