Fevralın 28-də paytaxtın mərkəzində, Fəvvarələr meydanında manatın ucuzlaşmasından sonra yaranmış süni qiymət artımına qarşı etiraz aksiyası keçirilib.
Aksiya başlamazdan 1 saat əvvəl əraziyə təxminən 50-60 şəxs və xeyli polis toplaşıb. Elə bu zaman bir neçə qadın media nümayəndələrinə yaxınlaşaraq Mərkəzi Bankın 21 fevral qərarından sonra qiymətlərin artması nəticəsində sosial durumlarının ağırlaşdığını deyiblər. Bunu görə polislər qadınları kobud şəkildə polis maşınlarına aparıblar. Bu son həbslər olmayıb. Etiraz edən daha bir necə şəxs polis tərəfindən saxlanılıb. Ümumilikdə 9 nəfəri həbs edilib.
