Almazbek Atambayev

Mənbə: meydan tv

Başlıq: Almazbek Atambayev

Qırğızıstanın keçmiş prezidenti Atambayev həbs edilib

Hücum zamanı ən az 80 nəfər yaralanıb

Qırğızıstanın xüsusi təyinatlı polis qüvvələri şiddətli toqquşmalardan sonra keçmiş prezident Almazbek Atambayevi həbs edib.

Azadlıq Radiosu xəbər verir ki, keçmiş prezident bir zabitin ölümü ilə nəticələnən və bir gecəboyu davam edən toqquşmalardan sonra həbs edilib.

Bişkəkin yaxınlığında yerləşən evindən polis karvanıyla paytaxta gedən əsas magistral yol bağlandığından Atambayev ikinci yolla aparılıb.

“İnterfaks” xəbər agentliyi bildirib ki, karvan Atambayevi birbaşa paytaxtda yerləşən Daxili İşlər Nazirliyinin binasına aparıb.

Atambayevin ictimai müdafiəçisi Fərid Niyazov və Sosial Demokrat Partiyasının sədr müavini Kunduz Joldubaeva Atambayevi polis maşınında müşayiət edib.

Qeyd edilir ki, polis avqustun 8-də Atambayevin evinə girərkən əl bombalarından və gözyaşardıcı qazdan istifadə edib. Şahidlər silah səslərinin də eşidildiyini deyib.

Atambayev 2011- 2017-ci illərdə Qırğızıstanın prezidenti olduğu dövrlərdə vəzifə səlahiyyətlərindən sui-istifadə, korrupsiya və özünü qeyri-qanuni şəkildə zənginləşdirmək kimi cinayət işlərində ittiham edilir. Atambayev bu ittihamları rədd edir.

Atambayev ilk dəfə polis tərəfindən avqustun 7-də tutulmağa cəhd edilib. Lakin polisin bu addımı uğursuzluqla nəticələnib və altı xüsusi təyinatlı polis Atambayevin tərəfdarları tərəfindən girov götürülüb. Hücum zamanı ən az 80 nəfər yaralanıb. Avqustun 8-də altı nəfər sərbəst buraxılıb.

Qarşıdurmada bir zamanlar yaxın müttəfiq olan Prezident Sooronbai Jeenbekov və Atambayev bir-birini günahlandırır.

Avqustun 8-də Milli Təhlükəsizlik Şurasının fövqəladə iclasında çıxış edən Jeenbekov Atambayevi ölümlə nəticələnən qarşıdurmaya görə tam məsuliyyət daşıdığını söyləyib. Atambayev isə bunun əksini iddia edir və bütün olanlarda Jeenbekovun məsuliyyət daşıdığını söyləyib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/77vzl5

Ən çox baxılan