Havanın temperaturu da aprelin 14-dən başlayaraq tədricən yüksələcək
Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyev
APA
-ya bildirib ki, aprelin 10-u gündüzdən başlayaraq aprelin 11-i, 12-si və 13-də ölkə ərazisində
hava
şəraiti dəyişib, qeyri-sabit keçib, yağış, dağlıq ərazilərdə sulu qar, qar yağıb. Ən çox qar Qubanın dağlıq ərazilərinə yağıb və burada qar örtüyü 10 sm-ə kimi olub. Qar örtüyü Daşkəsəndə, Gədəbəydə, Göygölün dağlıq ərazilərində, Lerikdə, Kərvəzdə, Sarıbaşda da müşahidə edilib.
Bakıda və Abşeron yarımadasında da yağış yağıb, arabir güclənən şimal-qərb küləyi əsib.
Aprelin 13-də ölkə ərazisində qeyri-sabit
hava
şəraiti davam edəcək. Aprelin 14-ü gündüzdən etibarən ölkə ərazisində yağıntının tədricən kəsiləcəyi, aprelin 15-də isə əksər rayonlarda əsasən yağmursuz olacağı gözlənilir. Havanın temperaturu da aprelin 14-dən başlayaraq tədricən yüksələcək.
Azərbaycan qeyri-sabit
hava
şəraiti müşahidə olunsa da, temperatur iqlim normasına yaxın olub və bu, aprel ayı üçün xarakterikdir. Ayrı-ayrı illərdə də aprel ayında
hava
nın qeyri-sabit keçməsi, qar yağması müşahidə edilib.
