Tələbə Qəbulu üzrə Dövlət Komissiyası 2015-ci ildə keçiriləcək qəbul imtahanlarının vaxtını açıqlayıb.
Qurumun mətbuat xidmətindən verilən məlumata görə, ali məktəblərə ərizə qəbulu aprelin 1-dən 30-dək keçiriləcək.
II və III qruplar üzrə qəbul imtahanı (əvvəlki illərin məzunları) mayın 17-si, I və IV qruplar üzrə qəbul imtahanı (əvvəlki illərin məzunları) mayın 24-ü, I və IV qruplar üzrə qəbul imtahanı (cari ilin məzunları) iyulun 14-ü, II və III qruplar üzrə isə qəbul imtahanı (cari ilin məzunları) iyulun 25-də keçiriləcək.
