Qasım-Jomart Toqayev və Nursultan Nazarbayev

Mənbə: google.az

Başlıq: Qasım-Jomart Toqayev və Nursultan Nazarbayev

Qazaxıstanda Toqayevin qələbəsi rəsmi olaraq elan edildi

Toqayev səslərin 70,96 faizini toplayıb

Qazaxıstan Mərkəzi Seçki Komissiyası (OSK) ölkədə keçirilmiş 9 iyun prezident seçkilərinin rəsmi nəticələrini açıqlayaraq, müvəqqəti prezident kimi fəaliyyət göstərən Qasım-Jomart Toqayevin böyük səsçoxluğuyla qələbə qazandığımı elan edib, - Azadlıq Radiosu xəbər verir.

Seçki Komissiyası iyunun 11-də elan edib ki, keçmiş prezident Nursultan Nazarbayevin özünün prezidentliyə namizəd olaraq təyin etdiyi Toqayev səslərin 70,96 faizini toplayıb. Nəticələrə daha sonra dinc nümayişçilər tərəfindən etiraz edilib.

Köhnə jurnalist Amirjan Qosanov prezident seçkilərində Toqayevin rəqibi olub və 16,23 faiz səslə ikinci yerdədir.

Enerji zəngini bu Orta Asiya ölkəsində seçkinin nəzarətdə olduğu bildirilir. Belə ki, Toqayevlə rəqabət aparmış altı namizədin heç biri onun kimi maddi və mənəvi dəstəyə sahib olmayıb. Ölkənin dövlət aparatı da Toqayevin seçki kampanyasını dəstəkləyib.

Seçkilər ərəfəsində ölkədəki ədalətsizliyə qarşı başlamış etiraz aksiyaları seçki günü iyunun 9-da da davam edib və bir sıra bölgələrdə polis tərəfindən dağıdılıb.

İyunun 11-də xəbər verilir ki, polis rəsmi nəticələrə etiraz etmək üçün ölkənin ən böyük şəhəri olan Almatının fərqli rayonlarında toplaşan yüzlərlə insanı dağıtmağa çalışıb və nümayişçilərin bəziləri həbs edilib.

Almatıdan çəkilmiş və ictimai mediada nümayiş olunan bir videoda dünən axşam küçələrdə onlarla qazağın qaçdığı və polisin onları təqib etdiyi göstərilir.

Hadisə həbslərdən sonra 100-dən çox nümayişçinin Almatıda polis bölməsinin qarşısında toplanaraq məşhur müğənni Rinat Zaitovun sərbəst buraxılmasını tələb etməsindən sonra baş verib.

Zaitov 10 iyun tarixində seçkilərin rəsmi nəticələrinə etiraz edən yüzlərlə Qazaxıstan vətəndaşının arasında olub. Beynəlxalq müşahidəçilər seçkiləri "fundamental azadlıqların açıq şəkildə pozulması" kimi xarakterizə edir.

Zaitov azad edildikdən sonra nümayişçilərdən evlərinə qayıtmalarını xahiş edib.

Toqayevin qələbəsi mart ayında gözlənilmədən postundan istefa verən keçmiş prezident Nazarbayevin dəstəyi sayəsində gözlənilən idi. Nazarbayev 30 ilə yaxın idi ki, Qazaxıstanı idarə edirdi. O, hələ də ölkənin və rəhbərlik etdiyi Nur-Otan Partiyasının ən önəmli postlarını tutmağa davam edir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/luzpgq

Ən çox baxılan