Azər Aydəmir

Mənbə: Meydan TV

Başlıq: Azər Aydəmir

“Qarabağ restoran deyil, açılışını edək”

Aktyor şou əhlinin işğaldan azad olan torpaqlara səfərinə narazılıq edir

“Üç minə yaxın şəhidimizin, minlərlə qazimizin canı, qanı bahasına azad olunan Şuşa Bulvardakı, yaxud da Bayıldakı bahalı restoranlara oxşayır”.

Aktyor Azər Aydəmir bu fikirləri sosial şəbəkədə yazıb. Sənətçi son zamanlar müğənnilərin və sosial şəbəkələr vasitəsilə populyarlaşan digər şəxslərin Şuşada, Cıdır düzündə, həmçinin işğaldan azad olunan digər ərazilərimizdə foto və video çəkdirərək paylaşmaqlarını şərh edərkən belə deyib:

“İşğaldan azad olunan torpaqlara təyin edilən orqanların yanaşmasında problem var. İşğaldan azad olunan torpaqlar restoran deyil. Qarabağ restoran deyil açılışını edək. Həmin əraziləri gəzməyə icazə verən adamlar nədənsə hesab edirlər ki, işğaldan azad olunan torpaqları reklam etmək, gələcəkdə turizm axınını təşkil etmək üçün “güclü” tanıtmaq lazımdır. Bunu da ən bəsit üsulla, “İnstagram” sosial şəbəkəsinin “fenomenləri” vasitəsilə etmək lazımdır.

Şuşadan şəkil, video çəkdirib, sosial şəbəkələrdə paylaşan “tik-toker”, “vayner”, “bloger”, “vloger”, “fud-bloger”, stilist, müğənni (konsert verməyə gedənlərdən xaric) və digərlərinin hamısının şəkilləri var. Bunu etməkdə məqsəd nədir?

Şuşanı, Kəlbəcəri, Qubadlını, Cəbrayılı, Füzulini, Zəngilanı oyuncaq hesab edirsiniz? O torpaqları nərddə oynayanda udmuşuq? Həmin torpaqlara Birinci Qarabağ Müharibəsinin qazilərini, şəhid ailələrini, analarını, bacılarını aparmaq lazımdır. Torpaqları onlara göstərib, “Gözünüz aydın!” demək lazımdır. Uzun sözün qısası, Vətən müharibəsi uğrunda canını, qanını qoyan insanların ruhu, onların ailələrinin səbri ilə oynamayın”.

Bir neçə gün öncə Şuşa şəhərində azərbaycanlı müğənnilərin konsert proqramı təşkil olunub. Konsert proqramı AzTV vasitəsilə yayımlanıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/5duoet

Ən çox baxılan