Ağdam komandası səfərə minimal üstünlüklə gedəcək
“Qarabağ” klubu bu gün UEFA Çempionlar Liqasının 2-ci təsnifat mərhələsində ilk oyununu keçirib.
Ağdam təmsilçisi Tofiq Bəhramov adına Respubluka Stadionunda İsveçrənin “Sürix” komandası ilə qarşılaşıb. Qarşılaşma Azərbaycan çempionunun 3:2 hesablı qələbəsi ilə başa çatıb.
“Qarabağ”la “Sürix” arasında cavab oyunu iyulun 27-də, İsverçədə olacaq.
“Qarabağ” Çempionlar Liqasının 1-ci təsnifat mərhələsində Polşanın “Lex” komandasını mubarizədən kənarlaşdırmışdı. Polşada keçirilən ilk matçda “Lex”ə 0:1 hesabı ilə məğlub olan “köhlən atlar”, Bakıdakı cavab oyununda 5:1 hesablı qələbə qazanaraq, 2-ci təsnifat mərhələsinə vəsiqə əldə etmişdi.
