Turnirin məqsədi könüllü qan donorluğunun təbliğidir
Azərbaycan Kikboksinq Federasiyası və “Layf” Xeyriyyə İctimai Birliyi Qan Donorluğu ilə bağlı futbol turniri keçirəcək.
“Layf” Xeyriyyə İctimai Birliyinin icraçı direktoru Emil Vəliyevin verdiyi məlumata görə, 14 İyun – Ümumdünya Qan Donorları Günü münasibəti ilə qan donorları arasında iyunun 6-dan 12-dək futbol turniri keçiriləcək. Turnirdə qan donorlarından ibarət 16 qan komanda iştirak edəcək. Azərbaycan Kikboksinq Federasiyası və “LAYF” Xeyriyyə İctimai Birliyi daxil olmaqla, “Toyota Baku” Şirkət, “Atəşgah Sığorta” ,“Bakı Metropoliteni” QSC, “NetFrame” MMC, Azərbaycan Qızıl Aypara Cəmiyyəti, “Standard Insurance” Sığorta Şirkəti, “Parabank” ASC- Yasamal Filialı, “Nikoil bank” ASC, “Murov” Ekstremal İdman Klubu, “PAŞA” Sığorta, “City Hospital”, Diaspor Jurnalistlər Birliyi, “Mr.Fix” MMC, “LAWYERS UNITED” Hüquqçulardan ibarət komandalarının donorları turnirdə iştirak edəcəklər.
Futbol turnirinin həyata keçirilməsinin məqsədi mütəmadi, könüllü qan donorluğunun və sağlam həyat tərzinin təbliğidir. Futbol turnirinin açılışı Azərbacan-Türk Futbol Klubunun meydançasında 6 iyun 2015 –ci il saat 14:00-da baş tutacaq.
